web counter
LEXO PA REKLAMA!

SHKARKO APP

App Store
Google Play

Eksperti i kriminalistikës ngre pikëpyetjen: A ka siguri në Burgun e Durrësit?

15 Janar 2026, 21:06, Aktualitet CNA

Eksperti i kriminalistikës ngre pikëpyetjen: A ka siguri në

Eksperti i kriminalistikës, Ervin Karamuço ka ngritur sot shqetësimin lidhur me sigurinë në burgun e Durrësit, pas zhvendosjes së të paraburgosurve drejt IEVP Fier dhe IEVP Peqin.

I ftuar në emisionin “Now”, Karamuço u shpreh se kjo është masa e parë e tillë që është marrë pas një ngjarjeje të rëndë brenda sistemit penitenciar, ndërsa vuri në dyshim efektivitetin e saj për garantimin e sigurisë.

“Në fakt, masa e parë që është marrë gjatë të gjithë këtyre viteve, pas një ngjarjeje të rëndë që ka ndodhur brenda sistemit penitenciar, kjo ka qenë. A është një masë adekuate, që dikton më pas siguri, nuk di ta them, por Durrësi ka vetë seksion të sigurisë së lartë. Pra, me të njëjtat standarde dhe rregulla si të gjithë burgjet e tjera. Atëherë, ku është ndryshimi? Ky është një sinjal, atëherë, që do të thotë se masat e sigurisë në burgun e Durrësit janë thyer rëndë. Se nuk garantojnë mbrojtje ndaj sigurisë së këtyre personazheve të botës së krimit dhe këta duhet të zhvendosen në institucione të tjera. Ky është mesazhi. Se mund të ndodhë një ngjarje tjetër. Se nuk u arratis nga burgu, por nga spitali. Nuk dua ta paragjykoj, por gjëja e parë që mendoj është se nuk garantohet ruajtja, përndryshe pse do të bëhej kjo lëvizje”,-tha Karamuço./CNA





Lajmet e fundit nga