web counter
LEXO PA REKLAMA!

SHKARKO APP

App Store
Google Play

Dyshimet e forta për ngjarjen në Shkodër/ Balla, thirrje qytetarëve

5 Maj 2024, 19:15, Aktualitet CNA
Dyshimet e forta për ngjarjen në Shkodër/ Balla, thirrje
Ministri i Brendshëm, Taulant Balla

Ministri i Brendshëm, Taulant Balla, ka reaguar për ngjarjen në Shkodër, ku dyshohet se janë vetëmbytur në lumin Buna nëna me 3 fëmijët.

Balla njofton se në lumin Buna po vijojnë të bëhet kërkime. Ai tregon se pista kryesore e shkakut të kësaj ngjarje dyshohet të ketë qenë dhuna në familje dhe presioni psikologjik.

Marrë shkas nga ky rast, ministri i bën thirrje qytetarëve të denoncojnë çdo lloj forme dhune ndaj grave dhe të mos heshtin para rasteve të tilla.

“Ngjarja e rëndë në Shkodër, ku një nënë dhe tre fëmijët e saj dyshohet se janë vetëmbytur në lumin Buna, na ka tronditur të gjithëve. Njësia e specializuar e RENEA dhe Forca Kombëtare e Sigurisë Publike janë duke vijuar kërkimin e përgjatë gjithë rrjedhës së lumit Buna. Policia e Shtetit ka ndaluar bashkëshortin dhe ka dyshime të forta se dhuna në familje, presioni psikologjik kanë shtyrë viktimën drejt këtij akti tragjik.

Gjej rastin t’i bëj thirrje çdo gruaje të denoncojë çdo lloj forme dhune. Dhuna shpesh manifestohet në shtëpi, mbrapa dyerve të mbyllura, por kjo është një temë që duhet bërë publike. Dhuna ndaj grave nuk është një çështje private. Ajo na intereson të gjithëve. Dhe ne, e gjithë shoqëria, duhet t’i nxisim viktimat e dhunës ta denoncojnë. Nuk mund të ketë #AsnjëJustifikim ndaj dhunës – as në shtëpi, as në vendin e punës, as në jetën publike, as online. Askund!

Kërko ndihmë në 116117

Raporto në 129”, thekson Balla./ CNA





Lajmet e fundit nga