web counter
LEXO PA REKLAMA!

SHKARKO APP

App Store
Google Play

"Durrësi duket sikur është prekur nga një uragan"/ Gazetari: Përmbytjet, pasojë e korrupsionit

7 Janar 2026, 19:49, Aktualitet CNA

"Durrësi duket sikur është prekur nga një uragan"/

Gazetari Andi Tela ka folur mbrëmjen e sotme lidhur me përmbytjet masive në qytetin e Durrësit. I ftuar në Syri Tv, tha se kur shihet imazhet me dron të Durrësit, të jepet përshtypja sikur ndodhesh në një vend që është prekur nga uragani apo tajfuni.

Ai shtoi më tej se kjo nuk është e shkaktuar nga fatkeqësia natyrore por nga keqmenaxhimi i strukturave që paguhen për të parandaluar të tilla situata.

"Tani kur, kur dëgjova, kur dëgjova këtë, këtë mesazh të zotit Rama mu kujtua prapë ironia që i bënte me SPAK-un dhe me organet e tjera, duke përdorur atë batutën e famshme të ‘Loro Boriçit’ që shiu ka punën e tij, ne kemi punën tonë. Dhe ne kemi punën tonë në kuptimin e propagandës.

Pra, nëse ti sheh këto imazhet e Durrësit me dron, të krijohet përshtypja sikur ndodhesh në një nga ato vendet ku uragani apo tajfuni përmbyt gjithçka, apo çahet një digë gjigante hidrocentrali dhe prodhon këtë përmbytje, që s'ke çfarë t'i bësh.

Por ka rënë shi. Vetëm shi ka rënë dhe ti sheh këto pamje. Dhe e kupton fare mirë që nuk është më faji i natyrës. Është faji i menaxhimit, i menaxhimit të strukturave që paguhen për të mos u krijuar këto imazhe.

Qytetarët e Durrësit, të asaj zone atje, paguajnë taksa që të rregullohen kanalizimet, që të rregullohet hidrovori. Këto taksa vidhen. Dhe pasi vidhen këto taksa, tashti kërkohen të merren taksa të tjera, ndoshta të neve që jetojmë këtu në Tiranë, për të kompensuar dëmin e këtyre banorëve. Pra paguajnë dy herë taksat. Edhe në Tiranë, por edhe në Durrës, paguhen taksa të larta infrastrukture për ndërtimet e reja”, u shpreh Tela. /CNA

 

 





Lajmet e fundit nga