web counter
LEXO PA REKLAMA!

SHKARKO APP

App Store
Google Play

E fundit!

x

Situata nga përmbytjet/ Vengu: Prioritet, kthimi i banorëve në banesa

7 Janar 2026, 17:46, Aktualitet CNA

Situata nga përmbytjet/ Vengu: Prioritet, kthimi i banorëve në

Ministri i Mbrojtjes, Pirro Vengu ka folur për mediat pas përfundimit të  mbledhjes së Emergjencave Civile në Durrës.

Vengu tha se në 5 zona ka ende prezencë uji, ku janë krijuar grupe forcash civile dhe ushtarake.

Më tej Vengu tha se ka tërheqje të ujit në një pjesë të zonave.

Ministri u ndal dhe te situata në Shkodër, ku tha se vijon situata e rrezikshme në Nën Shkodër.

Sa i përket situatës së lumit Vjosa, Vengu tha se kuotat po arrijnë nivelin maksimal.

 

 

“Kemi krijuar një grup edhe me ekspertë të ujësjellësave, mendim edhe nga bashki të tjera. Kemi krijuar edhe një grup forcash civile dhe ushtarake në 5 zonat ku kemi ende prezencë uji në banesa. Prioriteti janë njerëzit, prioriteti janë zonat e banuara. Elementi i dytë ka të bëjë me zhbllokimin e kanaleve të ujërave të larta. Edhe aty kemi sisteme pompimi dhe pompa kapaciteti të lartë që ndihmojnë, qoftë te Gjykatat e Apelit, qoftë edhe në zonën e Shkozetit, dhe do vijojnë pa ndërprerë në gjithë oraret e mbrëmjes, gjatë gjithë natës nëqoftëse është e nevojshme. Prioriteti është rikthimi i banorëve në banesat e tyre.

Bilanci nuk ka agravim. Mbetemi te ato banesa që kemi thënë që janë të prekura. Ka një tërheqje të ujërave në një pjesë të zonave, qoftë në Ish-Kënetë, qoftë në Shkozet, por prapë ka prezencë të konsiderueshme ujërash nëpër oborre. Nuk konsideroj që ka problem me hidrovorin, është një pyetje që ma bëjnë shpesh. Mund të shkoni ta konstatoni vetë, janë në funksionalitet të plotë. Madje kemi rifunksionalizuar dhe hidrovorin e vjetër në mënyrë që ritmi i shkarkimeve të jetë sa më i madh. Atëherë, kemi siguruar tashmë me të 5 skuadrat që përmenda pak më parë që të shkojmë shtëpi më shtëpi dhe të mos mbetet asnjë cep i Kënetës pa mbuluar. Vetë do jemi prapë në terren për ta konstatuar edhe personalisht, që e gjithë skuadra, qoftë pushtetit vendor, qoftë e Forcave të Armatosura dhe Emergjencave Civile, shkon aty ku është nevoja. Pres një situatë dinamike. Përqendrimi në rang vendi ka të bëjë me vijimin e menaxhimit të kaskadës së Drinit. Nuk jemi jashtë rrezikut në Nënshkodër. Në zonën e Obotit ka disa prezencë ujërash në zona bujqësore, fatmirësisht jo në zonat e banuara, dhe jemi edhe atje me mjetet e përforcuara. Kemi një situatë edhe në basenin e Vjosës; kuotat po arrijnë në nivelin maksimal. Edhe aty kemi prezencë pranë argjinaturave në mënyrë që të mund të kufizojmë maksimalisht pasojën eventuale. Kemi prurje të konsiderueshme që vijnë në basenin e Vjosës nga Greqia, sikundër dhe prurje të konsiderueshme që vijnë nga Kosova dhe nga të gjitha basenet që derdhen praktikisht në Fierzë. Kështu që, situata është shumë dinamike. Ne jemi veçanërisht të përqendruar këtu përsa i përket zonës së Erzenit, sepse edhe aty prurjet kanë qenë të konsiderueshme. I gjithë toka është si sfungjer praktikisht, dhe sa më shumë evadime të bëjmë, prapë zëvendësohen. Prandaj është një natë shumë dinamike”, tha Vengu.





Lajmet e fundit nga