web counter
LEXO PA REKLAMA!

SHKARKO APP

App Store
Google Play

Dorëzimi i vulës së PD-së tek Alibeaj/ Zbardhet vendimi i Gjykatës së Apelit

10 Maj 2023, 14:17, Aktualitet CNA
Dorëzimi i vulës së PD-së tek Alibeaj/ Zbardhet vendimi i
Foto ilustruese

Gjykata e Apelit ka publikuar sot vendimin e zbardhur të datës 3 mars, ku i dorëzoi vulën e PD-së, kreut të komanduar, Enkelejd Alibeaj.

Sipas argumenteve të parashtruara në një dokument prej 90 faqesh, thuhet se në vendimin e gjykatës së Shkallës së Parë janë anashkaluar provat, ku dhe mbledhja e Kuvendit Kombëtar të PD-së, quhet një tubim i organizuar nga persona të caktuar jashtë institucioneve të partisë.

Dorëzimi i vulës së PD-së tek Alibeaj/ Zbardhet vendimi i

Sa i përket vendimit të gjyqtarit Agron Zhukri, thuhet se ky vendim ishte i njëanshëm dhe se në procesin gjyqësor duhet të ishte thirrur edhe ish-kryetari, Lulzim Basha.

Gjykata e Apelit thotë se nuk ka dy subjekte të ndryshme dhe as dy persona, por një subjekt politik që është Partia Demokratike e Shqipërisë dhe dy pretendues. Ndryshe nga sa pretendohej nga grupimi i Berishës, Gjykata e Apelit ka vlerësuar se Partia Demokratike gëzonte legjitimitet për të bërë ankim, pasi është personi juridik ndaj të cilit është zhvilluar gjykimi në shkallën e pare.

Trupa gjykuese me relatore Elona Mihalin, anëtarë Astrit Kalanë dhe Irda Kacerja, prishi vendimin e Agron Zhukrit, i cili vendosi të njohë Kuvendin e Sali Berishës, të mbajtur me 11 dhjetor 2021, duke njohur Alibeajn si kryetar të komanduar të PD-së.

“Në rigjykim gjykata e shkallës së parë duhet të mbajë në konsideratë gjithashtu administrimin e vërtetimit të përditësuar nga regjistri i partive politike në lidhje me subjektin PDSH, ku të verifikojë sërish të dhënat e përditësuara në lidhje me vijimin e përfaqësimit të subjektit politik nga kryetari i partisë”, thuhet ndër të tjera në vendim.

Dorëzimi i vulës së PD-së tek Alibeaj/ Zbardhet vendimi i

 





Lajmet e fundit nga