web counter
LEXO PA REKLAMA!

SHKARKO APP

App Store
Google Play

"Do të jetë ndryshe nga të tjerat në shumë mënyra"/ Deputeti i PD-së flet për skenarët e protestës së 28 shkurtit

26 Shkurt 2026, 15:35, Aktualitet CNA
"Do të jetë ndryshe nga të tjerat në shumë
Pamje nga protesta e 20 shkurtit

Deputeti i Partisë Demokratike, Ivi Kaso, ka folur lidhur me protestën që do të mbajë opozita më 28 shkurt.

Kaso u shpreh, në një dalje televizive, se ka disa skenarë për protestën e së shtunës, ndërsa shtoi se do të jetë e ndryshme nga të tjerat.

Ndër të tjera, deputeti tha se tubimet e radhës do të mbahen edhe në varësi të situatës politike.

“Ka disa skenarë për protestën e radhës të opozitës. Do të jetë një protestë e ndryshme nga të tjerat, ka një skenar. Edhe nga dinamika, jo vetëm nga skenografia, por edhe mënyra se si zhvillohet. Madje jo vetëm me këtë protestë, por edhe më të tjerat, do të jenë të larmishme. Protestat do të mbahen edhe në varësi të situatës politike, ngjarjeve politike, dhe nëse mazhoranca do vijojë të mbrojë zonjën Belinda Ballukun duke mos pranuar që t’i heqë imunitetin, por edhe personazheve të tjera që do të jenë të implikuar në vijim se ka një seri dosjesh të tjera. Kështu që do të shikoni një mënyrë më kreative dhe një vijim të protestave”, u shpreh deputeti Kaso. /CNA





Lajmet e fundit nga