web counter
LEXO PA REKLAMA!

SHKARKO APP

App Store
Google Play

Video- Korrupsion në zgjedhje/ Kryebashkiaku i Vaut të Dejës paraqitet në GJKKO

26 Shkurt 2026, 10:38, Aktualitet CNA

Video- Korrupsion në zgjedhje/ Kryebashkiaku i Vaut të Dejës

Kryetari socialist i Bashkisë së Vaut të Dejës, Kristian Shkreli, është paraqitur këtë të mërkurë në Gjykatën e Posaçme të Shkallës së Parë, pasi është marrë i pandehur për veprën penale të “korrupsionit aktiv në zgjedhje”.

Çështja ndaj tij është dërguar për gjykim nga Prokuroria e Posaçme kundër Korrupsionit dhe Krimit të Organizuar, e cila ka përfunduar hetimet në kuadër të procedimit penal të vitit 2025.

Sipas organit të akuzës, Shkreli dyshohet se gjatë fushatës për zgjedhjet parlamentare të 11 majit 2025 ka premtuar dhe ofruar përfitime materiale në këmbim të votës, në mbështetje të Partisë Socialdemokrate të Shqipërisë.

Hetimet kanë evidentuar se ai ka qenë aktiv në fushatë, duke shfrytëzuar nevojat e banorëve të fshatit Stajkë për ndërtimin e infrastrukturës së rrjetit elektrik.

Sipas SPAK-ut, investimi është realizuar gjatë periudhës elektorale dhe është shoqëruar me kërkesa për votë në favor të subjektit politik të mbështetur prej tij.

Prokuroria bëri me dije se provat janë mbledhur përmes metodave speciale të hetimit, përfshirë përgjime telefonike, vëzhgime dhe veprime të tjera procedurale.

Një ditë pas zgjedhjeve të 11 majit, me urdhër të SPAK-ut, celulari i Shkrelit u sekuestrua si pjesë e hetimit.

 

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga