web counter
LEXO PA REKLAMA!

SHKARKO APP

App Store
Google Play

Linçim i gazetareve nga kolegu/ Reagon AGSH: Respektoni etikën profesionale dhe standardet

26 Shkurt 2026, 13:53, Aktualitet CNA

Linçim i gazetareve nga kolegu/ Reagon AGSH: Respektoni etikën

Asociacioni i Gazetarëve të Shqipërisë, me anë të një postimi në rrjetet sociale, ka shprehur shqetësim për gjuhën e përdorur nga një gazetar ndaj kolegeve.

Në reagimin e bërë, AGSH thotë se është e papranueshme që gazetare profesioniste të sulmohen publikisht.

Asociacioni bën thirrje për respektimin e etikës profesionale dhe standardeve të komunikimit nga çdo gazetar dhe aktor publik.

 

Reagimi i Asociacionit

 

Asociacioni i Gazetarëve të Shqipërisë shpreh shqetësimin për gjuhën denigruese, seksiste dhe nxitëse të linçimit publik të përdorur në një postim të publikuar nga një gazetar ndaj kolegeve të tij.

Është e papranueshme që gazetare, të cilat janë profesioniste të medias dhe mbi të gjitha gra, të sulmohen publikisht me insinuata, nënkuptime poshtëruese dhe referenca që prekin dinjitetin e tyre personal e profesional. Fakti që në shënjestër janë gazetare gra e bën këtë akt edhe më problematik, pasi ushqen një klimë stigmatizimi dhe presioni gjinor në një sektor ku gratë përballen shpesh me sulme, bullizëm dhe kërcënime online.

AGSH thekson se debati profesional është legjitim dhe i nevojshëm në një shoqëri demokratike, por ai nuk mund të kalojë në gjuhë fyese, seksiste apo në nxitje të turmës kundër gazetareve. Kërkesa për transparencë apo për verifikim informacioni nuk justifikon linçimin publik dhe as përpjekjet për t’i vënë koleget në shënjestër për shkak të punës së tyre.

Ne i bëjmë thirrje çdo gazetari dhe aktori publik që të respektojë etikën profesionale, dinjitetin e kolegëve dhe standardet minimale të komunikimit publik.





Lajmet e fundit nga