Dita e dytë në Bruksel/ Kryepiskopi Joan vijon takimet e rëndësishme në institucionet europiane

14 Janar 2026, 21:26, Aktualitet CNA

Dita e dytë në Bruksel/ Kryepiskopi Joan vijon takimet e

Kryepiskopi i Tiranës, Durrësit dhe Gjithë Shqipërisë, Forltumturia e tij, Imzot Joani zhvilloi sot, në Bruksel një sërë takimesh të rëndësishme, në kuadër të vizitës së tij në institucionet europiane.

Dita e dytë në Bruksel/ Kryepiskopi Joan vijon takimet e

Kryepiskopi Joan u takua me Ferit Hoxhën, Ambasador i Republikës së Shqipërisë në Bashkimin Evropian, Belgjikë dhe Luksemburg, si dhe Përfaqësues i Përhershëm në Komitetin Politik dhe të Sigurisë. Në takim u diskutuan çështje të rëndësishme lidhur me rrugëtimin europian të Shqipërisë dhe kapitujt negociues që mbeten për t'u mbyllur. Vëmendje e veçantë iu kushtua kapitullit që trajton marrëdhëniet me komunitetet fetare, sidomos çështjet e statusit të pronave dhe të drejtave pronësore të tyre.

Dita e dytë në Bruksel/ Kryepiskopi Joan vijon takimet e

Më pas, Fortlumturia e Tij, Joani u prit nga Shkëlqesia e Tij z. Ioannis Vrailas, Përfaqësues i Përhershëm i Greqisë në Bashkimin Evropian. Ambasadori Vrailas theksoi mbështetjen e tij të palëkundur ndaj Kishës Orthodhokse të Shqipërisë, që nga koha e Kryepiskopit të ndjerë Anastas e deri në vazhdimësinë e denjë të Fortlumturisë së Tij, Kryepiskopit Joan. Ai siguroi se komunitetet fetare dhe pronat e tyre fetare do të jenë gjithmonë prioritet në rrugën e anëtarësimit të Shqipërisë në Bashkimin Europian.

Dita e dytë në Bruksel/ Kryepiskopi Joan vijon takimet e

Në mbrëmje, në Parlamentin Evropian u zhvillua Aktiviteti solemn me temë "The Life, Work, and Legacy of the Late Archbishop Anastasios". Fortlumturia e Tij, Imzot Joani, mbajti fjalën kryesore, në të cilën nderoi personalitetin e rrallë të Kryepiskopit të ndjerë Anastas.

Në fjalën e tij, ai vlerësoi figurën e shquar të paraardhësit të tij, i cili erdhi në Shqipëri në vitin 1991, kur Kisha Orthodhokse ishte pothuajse e shkatërruar pas pesë dekadash persekutimi të egër nga regjimi komunist. Me vizion, dashuri dhe sakrificë të jashtëzakonshme, Kryepiskopi Anastas arriti ta ringjallë Kishën nga hiri, duke ndërtuar qindra kisha, duke hapur shkolla, spitale dhe qendra sociale, dhe duke formuar një brez të ri klerikësh dhe besimtarësh./CNA