LEXO PA REKLAMA!

SHKARKO APP

“Dhuro një libër, ndriço një mendje”/ Berisha i bashkohet nismës së Departamentit Brain Gain dhe Ekselencës në PD

25 Prill 2023, 12:07, Aktualitet CNA
“Dhuro një libër, ndriço një mendje”/ Berisha
Ish-kryeministri Sali Berisha

Ditën e sotme, drejtuesi i koalicionit “Bashkë Fitojmë”, Sali Berisha, dhuroi disa libra për anëtarët e Departamentit Brain Gain dhe Ekselencës në PD.

Berisha do t'i bashkohet nismës së veçantë të këtij departamenti “Dhuro një libër, ndriço një mendje”, nismë që synon dërgimin e librave atje ku ka pamundësi financiare.

Departamenti Brain Gain i Partisë Demokratike organizoi të dielën, më 23 prill, në Ditën Ndërkombëtare të Librit, një mbledhje librash të dhuruar te selia qendrore e PD-së. Librat më pas do t’i shpërndajë në vende ku libri nuk shkon, ose shkon me vështirësi.

Kjo është një iniciativë inovative dhe e ndërmarrë nga një departament i përbërë nga studentë apo ish-studentë ekselentë shqiptarë nëpër botë.

Kjo nismë ka për qëllim të nxisë promovimin e kulturës dhe arsimit në vendet ku kjo mundësi është e kufizuar.

Çdokush është i mirëpritur për t’u bërë pjesë e aktivitetit dhe nëse është e mundur të dhurojë libra që ndihmojnë nismën.

Lajmet e fundit nga