web counter
LEXO PA REKLAMA!

SHKARKO APP

App Store
Google Play

Dhuna në kopshtin privat/ Ministria e Arsimit: I palicencuar, kemi ngritur task forcë për verifikime të subjekteve

7 Nëntor 2023, 12:43, Aktualitet CNA

Dhuna në kopshtin privat/ Ministria e Arsimit: I palicencuar, kemi ngritur

Ministria e Arsimit ka reaguar për ngjarjen e rëndë të dhunimit të një vajze, në një kopsht privat, për të cilin nënvizohet se është i palicencuar. 

Në reagim theksohet se Ministria e Arsimit nuk toleron asnjë formë të dhunës ndaj fëmijëve në ambientet arsimore, publike apo private.

Ministria e Arsimit në bashkëpunim me Policinë e Shtetit ka ngritur menjëherë task forcën institucionale për verifikimin e subjekteve që ushtrojnë aktivitetin në shërbimet për fëmijët, në bashkëpunim me pushtetin lokal dhe policinë e shtetit.

"Ministria e Arsimit dënon me forcë veprimet e dhunshme ndaj fëmijëve dhe kërkon zbardhjen e plotë të rrethanave të ngjarjes, për të marrë masa të menjëhershme dhe të rreptë ndaj përgjegjësve. Pas transmetimit të ngjarjes së rëndë në emisionin 'Stop' në Tv Klan, Ministria e Arsimit dhe Sportit i ka kërkuar menjëherë Policisë së Shtetit dhe Policisë Bashkiake marrjen e masave për mbylljen e menjëherëshme të kopshtit 'Stinët', pasi, nga verifikimet e kryera rezulton se kopshti është në paligjshmëri dhe ushtron aktivitetin i palicencuar si institucion arsimor parauniversitar privat, në zbatim të ligjit nr.10 081, datë 23.2.2009, 'Për licencat, autorizimet dhe lejet në Republikën e Shqipërisë', të ndryshuar dhe ligjit nr. 69/2012, 'Për sistemin arsimor parauniversitar në Republikën e Shqipërisë', i ndryshuar", thuhet në njoftim. 

Ministria e Arsimit do të jetë e vendosur në luftën kundër dhunës në ambientet arsimore për të siguruar që fëmijët tanë të rriten në një mjedis të sigurt dhe të mbrojtur./CNA





Lajmet e fundit nga