web counter
LEXO PA REKLAMA!

SHKARKO APP

App Store
Google Play

Shpërthimi tek ish-Metalurgjiku/ Prokuroria e Elbasanit nis hetim ndaj kompanisë “Kurum”

7 Nëntor 2023, 12:39, Aktualitet CNA
Shpërthimi tek ish-Metalurgjiku/ Prokuroria e Elbasanit nis hetim ndaj
Zjarri tek ish-Metalurgjiku

Një shpërthim në pikën e skrapit tek ish-Metalurgjiku në Bradashesh të Elbasanit ka ndotur të gjithë zonën nga shtëllungat e tymit.

Zjarri ende nuk është shuar, ndërsa kjo situatë ka vënë në lëvizje policinë dhe Prokurorinë e Elbasanit.

Prokuroria e Elbasanit ka nisur një hetim ndaj kompanisë “Kurum” për ndotjen e ajrit.

Një reagim lidhur me shpërthimin ka pasur edhe nga kryetari i bashkisë së Elbasanit, Gledian Llatja.

Kryebashkiaku socialist kërkoi të vihet para përgjegjësisë kushdo që shkaktoi ndotje masive për qytetarët e Elbasanit.

Zjarri tek ish Kombinati Metalurgjik, Prokuroria Elbasan nis hetimet për Veprën Penale “Ndotja e ajrit, e ujrave dhe e tokës”.

"Drejtuesi i Prokurorisë pranë Gjykatës së Shkallës së Parë të Juridiksionit të Përgjithshëm Elbasan, ka filluar hetimet kryesisht, duke regjistruar procedimin penal nr. 1309, datë 07.11.2023 për veprën penale “Ndotja e ajrit, e ujrave dhe e tokës” të parashikuar nga neni 201 i Kodit Penal, pasi u mor dijeni në lidhje me ngjarjen e datës 06.11.2023 ku në një masiv me skrap të ndodhur në ambjentet e brendshme të ish Kombinatit Metalurgjik Elbasan, të administruara aktualisht nga shoqëria “Kurum”, ka rënë një zjarr me përmasa të mëdha që ka shkaktuar ndotje të madhe në mjedisin e zonave përreth dhe më gjerë në Bashkinë Elbasan.

Për hetimin e këtij procedimi penal është ngarkuar një grup hetimor i përbërë nga dy prokurorë dhe tre oficerë të policisë gjyqësore të Prokurorisë pranë Gjykatës së Shkallës së Parë të Juridiksionit të Përgjithshëm Elbasan, të cilët në bashkëpunim me shërbimet e Policisë së Shtetit kanë kryer veprimet e para hetimore në kuadër të procedimit penal të sipërcituar, me qëllim zbardhjen e shkaqeve të ngjarjes së ndodhur", thuhet ne njoftim. / CNA





Lajmet e fundit nga