web counter
LEXO PA REKLAMA!

SHKARKO APP

App Store
Google Play

“Dëshmi e frikshme e ndarjeve klasore”/ Rama nuk kursen kritikat: Fqinjët marrin 4500 euro për frymë, ne 138 euro  

16 Tetor 2023, 13:20, Aktualitet CNA
“Dëshmi e frikshme e ndarjeve klasore”/ Rama nuk kursen
Kryeministri Edi Rama

Kryeministri Edi Rama gjatë fjalës së tij në tryezën e përbashkët me liderët e BE-së, në Samitin e Procesit të Berlinit, deklaroi se ndarja e klasave është një dëshmi e frikshme, e cila thellon ndarjen e vendeve të Ballkanit Perëndimor me ato të BE-së.

Kreu i qeverisë nuk kurseu kritikat duke thënë se procesi është penguar nga çështje afatgjata midis disa vendeve të rajonit.

Ai nënvizoi faktin se, fqinjët e BE-së marrin 4500 euro për frymë ndërsa vendet e Ballkanit Perëndimor marrin 138 euro për frymë.

“Nuk po kërkoj financime të barabarta me vendet e BE-së, ajo çfarë po them që në këtë peisazh gjeopolitik që po zhvillohet shpejt, duhet veprim edhe më i shpejtë”, tha Rama.

 “Procesi është penguar nga çështje afatgjata midis disa vendeve të rajonit. Mund të them që fqinjët tanë të BE-së kanë marrë mbi 4500 euro për frymë dhe vendet tona marrin 138 euro për frymë. Këto shifra janë një dëshmi e frikshme e një ndarje klasore që ka thelluar ndarjen tonë në të njëjtën shtëpi të Evropës.

Në kuadër të planit të investimeve të BE-së në Ballkanin Perëndimor, investimet janë domethënëse. Por vetëm 10% janë grante dhe 90%, mekanizmi i përqasjes ndaj tyre është i ngadalshëm dhe i vjetruar. Nuk po kërkoj financime të barabarta me vendet e BE-së, ajo çfarë po them që në këtë peizazh gjeopolitik që po zhvillohet shpejt, duhet veprim edhe më i shpejtë”, u shpreh Rama./ CNA





Lajmet e fundit nga