Deputeti demokrat bën deklaratën e fortë/ “Rama nuk hyn në asnjë seancë të rëndësishme pa i thithur ca viza kokainë“

10 Nëntor 2022, 15:56, Aktualitet CNA

Deputeti demokrat bën deklaratën e fortë/ “Rama nuk hyn

Deputeti demokrat Edi Paloka, ka bërë një reagim në rrjetet sociale në lidhje me debatin e ashpër në seancën parlamentare.

Nëpërmjet reagimit, Edi Paloka shkruan se kërkesa për përjashtimin nga Kuvendi të tij dhe të deputetit Bujar Leskaj, është bërë në justifikimin se ata kanë qenë të dehur në parlament, duke kërkuar kështu të bëhet edhe testi i alkoolit.

Ndër të tjera, Paloka ka bërë deklaratën e fortë duke shkruar se Ramës do t’i duhet të bënte test droge, pasi sipas deputetit demokrat, “Rama nuk hyn në asnjë seancë të rëndësishme parlamentare pa i thithur ca viza kokainë”.

“E vërteta e asaj që ndodhi sot në seancë.

Meqë , siç e kanë zakon që nga koha e baballarëve dhe metodave të dizinformimit të Sigurimit të Shtetit, Rama dhe zarbot e tij , sajuan sot për mua dhe kolegun Leskaj, një histori me “të dehur” që lëshojnë fyerje pa doganë në Parlament , po sqaroj që:

-Po, pas një tjetër provokimi sot të Ramës ndaj deputeteve të opozitës, ndërkohë që seanca ishte ndërprerë, unë dhe deputeti Leskaj thjeshtë i kthyem atij përgjigjen që meritonte dhe ashtu si e meritonte.

Nuk jemi marrë me askënd tjetër përveçse me një palaço që fatkeqësisht sot është kryeministër dhe mendon se mund të sillet me shqiptarët, përfshi deputetët e opozitës, sikur të jenë skllevër të tij.

Këtë përgjigje do ta marrë edhe më të qartë nga gjithë ata shqiptarë që ju ka ardhur në majë të hundës jo vetëm më të zezat e këtij kryeministri por dhe me arrogancën e poshtrimin që ju bën çdo ditë.

Sa për atë justifikimin qesharak se ne paskemi qenë “të dehur” kur kemi fyer Ramën , mund të bëjmë teste të dyja palët . Po Ramës do i duhet të bëj testin e drogës se e di kushdo që e njeh se nuk hyn në asnjë seancë të rëndësishme parlamentare pa i thithur ca viza kokainë…

Dje e ndoqën të gjithë se si ai fyeu deputetët e opozitës që ishin në sallë , praktikisht fyeu gjithë opozitën dhe jo për herë të parë. Asnjë reagim nuk pati ndaj tij. As edhe një vërejtje formale. Ndërkohë sot kërkohet përjashtimi i deputeteve të opozitës se paskemi fyer Ramën!!!

Ne do na përjashtojnë se “të dehur” paskemi fyer Ramën! Ramën a do ta përjashtojnë që vjen i droguar në çdo seancë dhe fyen jo vetëm deputetët po gjithë shqiptarët?

Me 12 nëntor çdo shqiptar duhet t’i jap përgjigje këtij monstre!”, shkruan Paloka./ CNA.al