web counter
LEXO PA REKLAMA!

SHKARKO APP

App Store
Google Play

Dëmtohen qëllimisht mbishkrimet historike në Gjirin e Gramës/ Blendi Fevziu publikon videon: Krim  

2 Shtator 2023, 10:18, Aktualitet CNA
Dëmtohen qëllimisht mbishkrimet historike në Gjirin e
Blendi Fevziu, gazetar

Gazetari Blendi Fevziu ka denoncuar një akt kriminal ku tregon se janë dëmtuar me qëllim mbishkrimet historike në Gjirin e Gramës.

Fevziu e ka denoncuar menjëherë këtë akt pasi ka marrë një video ku tegohet se janë dëmtuar thuajse 1500 mbishkrime  që janë 2400-vjeçare.

Gazetari në rrjetet sociale shprehet se ky është një krim mbi trashëgiminë dhe historinë tonë.

“Një video që më dërguan dje dëshmon se mbishkrimet historike të Gjirit të Gramës janë dëmtuar me qëllim. Tentativa për të mësuar se kur ka ndodhur kjo ishte e pasuksesshme.

Me gjasë mund t’i takojë një kohe kur aty nuk ka vizitorë dhe as shërbime, por kurdo që të ketë ndodhur, është një krim mbi trashëgiminë dhe historinë tonë.

Thuajse 1500 mbishkrimet e Gramës janë 2400 vjeçare. Ato dëshmojnë pozicionin e rëndësishëm gjeografik dhe historik të Shqipërisë; dëshmojnë praninë e personave të rëndësishëm botërore në këtë zonë dhe janë po ashtu një atraksion i rëndësishëm historik”, shkruan gazetari Blendi Fevziu.

Më tej, gazetari  thekson se monumenti që mbijetoi 24 shekuj nuk po i shpëton dot dorës vandale të personave të papërgjegjshëm.

Fevziu u ka bërë thirrje autoriteteve të gjejnë mënyrën për të ruajtuar monumentin historik.

“Por monumenti që mbijetoi 24 shekuj, duket se nuk po i shpëton dot dorës vandale të kushedi kujt të papërgjegjshmi. Autoritetet duhet të gjejnë mënyrën për të ruajtur një monument të tillë, i cili për hir të së vërtetës është shumë i ekspozuar dhe i vështirë për t’u vëzhguar.

Ai dëmtim nuk është thjeshtë ndaj një monumenti, ai është një dëmtim për secilin nga ne. Do na vijë turp nga fëmijët që diçka gjë që u ruajt 24 shekuj ne s’po e ruajmë dot 24 vjet”, thekson Fevziu./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by Blendi Fevziu (@blendifevziu)





Lajmet e fundit nga