web counter
LEXO PA REKLAMA!

SHKARKO APP

App Store
Google Play

E fundit!

x

Buxheti 2025/ Eksperti ekonomisë, Ceko: Nuk sjell rritje ekonomike

5 Dhjetor 2024, 17:15, Aktualitet CNA
Buxheti 2025/ Eksperti ekonomisë, Ceko: Nuk sjell rritje ekonomike
Eksperti i ekonomisë, Enriko Ceko

Buxheti për vitin 2025 ka nxitur debat mes mazhorancës dhe opozitës. PD depozitoi dhjetëra amendamente, të cilat u hodhën poshtë nga PS-ja, duke i cilësuar si sugjerime që nuk i përshtaten rritjes ekonomike.

Por kë prek më shumë ky buxhet?

Në një intervistë për CNA TV, eksperti i ekonomisë, Enriko Ceko, është shprehur se prej disa vitesh për buxhetin e shtetit merren para borxh nga ndërkombëtarët.

Sipas tij, një pjesë e mirë e shqiptarëve kryesisht ata në zonat rurale që nuk paguajnë taksa dhe se nëse do të përfshiheshin në sistem nuk do të ishte e nevojshme marrja borxh e parave për të plotësuar nevojat e buxhetit të shtetit.

“Ky është buxheti i parë që ka vajtur te shifra 8.2 miliardë euro shpenzime, por është një buxhet që në disa vite rresht mbështetet duke marrë borxh ndërkombëtar nga 600 apo 700 milionë euro. Kjo do të thotë që t’i ndez furrën për të pjekur bukët, fut 80 bukë dhe do që të nxjerrësh 100 bukë, kjo nuk mund të bëhet. Pra grumbullon 7.6 miliadë euro nga taksat dhe do të shpenzosh 8.2 miliardë euro, duke marrë edhe 600 apo 700 borxh. Çështja është nga merren paratë që formohet Buxheti i Shtetit dhe kush i merr paratë që shpenzohen nga ky buxhet?

Në përgjithësi këto paratë vijnë nga taksat, një pjesë vijnë nga tatimi që i merren kompanive të mëdha, ndërkohë që përbëjnë vetëm 1% e të gjithë bizneseve në Shqipëri dhe paguajnë 30% të Buxhetit të Shtetit. Një pjesë merren edhe nga tatitmi mbi të ardhurat personale që “godet” shtresën e mesme.

Nëse do ta shohim se kush përfiton, në fshat janë 350 mijë ferma, rreth 50 apo 60 mijë ferma kanë marrë numrin e regjistrimit dhe supozohet se paguajnë taksa. Domethënë kemi 300 mijë ferma me nga 4 persona në familje, bëjnë 1 milion e 200 mijë banorë, që nuk paguajnë taksa, por që përfitojnë nga buxheti sepse bëhen rrugë, shkolla e investime nga të cilat përfitojnë. Ne paguajmë, ata jo dhe në fund trajtohemi njëlloj”, theksoi eksperti.

I pyetur se përse nuk futen në skemën e pagesës së taksave, Ceko tha se ajo forcë politike që do t’i përfshijë, do të humbi zgjedhjet.

Buxheti 2025/ Eksperti ekonomisë, Ceko: Nuk sjell rritje ekonomike
Eksperti i ekonomisë, Enriko Ceko

“Sepse politika do votat e tyre. Forca e parë politike që do të fusë taksat në bujqësi do jetë forca që do i humbë zgjedhjet. Buxheti 2025 është përqendruar te segmenti Tiranë-Durrës, 50-60% shkon për pagesat e pagave të administratës publike, shkon për skemën e pensioneve dhe për ndihmën sociale. Ky nuk është buxhet që ndihmon ekonominë të zhvillohet. Që ekonomia të zhvillohet duhet që 80% e buxhetit të shkojë për veprimtari ekonomike.

Buxheti shtetit duhet të shkojë me fokusin: Shtet i fortë, qytetarë të pasur. Kjo duhet të jetë filozofia e Shqipërisë në 25-30 vitet e ardhshme. Por nuk i kemi këto. As shteti nuk është i fortë dhe as qytetarët nuk i kemi të pasur”, theksoi ai.

Sipas Cekos, as të djathtët nuk bëjnë propozime reale.

“Ata bëjnë zhurmë kot. Janë njerëz të paorganizuar, pa një lider, pa një filozofi. Ata thonë më shumë para për bujqësinë, më shumë për arsimin, më shumë për shëndetësinë por pa përcaktuar se për çfarë. Bujqësia është një “xhep” i madh.

Në një buxhet shteti 8 miliardë, arsimi duhet të marrë 1 miliard, shëndetësia 1 miliard, mbrojtja e diplomacia gjithashtu. Ne s’kemi as mbrojtje, as diplomaci as shëndetësi”, nënvizoi eksperti i ekonomisë./ CNA





Lajmet e fundit nga