E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Microsoft dhe OpenAI, trajnim në Tiranë mbi përdorimin e Inteligjencës Artificiale në zgjedhje

3 Dhjetor 2024, 16:22, Aktualitet CNA

Microsoft dhe OpenAI, trajnim në Tiranë mbi përdorimin e

Sot nisi punimet trajnimi “Inteligjenca Artificiale në Zgjedhje” i organizuar nga IDEA International dhe financuar nga Microsoft dhe OpenAI, me mbështetjen e Komisionit Qendror të Zgjedhjeve të Shqipërisë.

Trajnimi do të zhvillohet përgjatë tre ditëve dhe marrin pjesë zyrtarë të trupave zgjedhore dhe përfaqësues të shoqërisë civile nga Kosova, Mali i Zi, Maqedonia e Veriut, Armenia, Ukraina, Bosnje dhe Hercegovina.

Qëllimi i këtij programi trajnimi është të pajisë zyrtarët zgjedhorë dhe organizatat e shoqërisë civile me një kuptim të thelluar të AI-së, duke theksuar implikimet e saj etike dhe të të drejtave të njeriut në administrimin zgjedhor.

Programi synon të eksplorojë si përfitimet ashtu edhe rreziqet e AI në proceset zgjedhore, me fokus të veçantë në mbrojtjen e grupeve të cënueshme dhe të margjinalizuara.

Microsoft dhe OpenAI, trajnim në Tiranë mbi përdorimin e

Komisioneri Shtetëror i Zgjedhjeve, z. Ilirjan Celibashi e cilësoi aktivitetin unik për nga tema që trajton, koha kur zhvillohet, vendi ku zhvillohet dhe më shumë akoma për faktin se vetë OpenAI dhe Microsoft janë mbështetës të këtij aktiviteti.

Komisioneri nënvizoi faktin se pavarësisht se përdorimi i Inteligjencës Artificiale në zgjedhje është ende në fazat e para, mundësitë që IA ofron në menaxhimin zgjedhor janë të mëdha.

“IA mund të ndihmojë në luftimin e problemit në rritje të dezinformimit gjatë zgjedhjeve. Duke analizuar përmbajtje në internet, algoritmet e IA mund të identifikojnë dhe sinjalizojnë shpejt informacionin e rremë, duke siguruar që votuesit të marrin informacion të besueshëm.

Microsoft dhe OpenAI, trajnim në Tiranë mbi përdorimin e

Gjithashtu, chatbot-ët e fuqizuar nga IA mund t'u përgjigjen pyetjeve të votuesve me saktësi dhe shpejtësi, duke i ndihmuar qytetarët në procesin zgjedhor. Një tjetër aplikim i rëndësishëm i IA është analiza e të dhënave zgjedhore. IA në volumet e mëdha të të dhënave, mund të identifikojë parregullsi të mundshme. Këto përdorime të IA, por jo vetëm, forcojnë transparencën dhe rrisin besimin e publikut në rezultatet zgjedhore” – tha ai.

Gjatë 3 ditëve të trajnimit, pjesëmarrësit do të mësojnë se si të implementojnë efektivisht zgjidhjet AI brenda kuadrit të qeverisjes demokratike, duke siguruar që teknologjia të forcojë dhe jo të minojë integritetin e menaxhimit zgjedhor. Zyrtarët zgjedhorë do të mund të fitojnë njohuri në pesë tema kyçe: Bazat e AI, Etika e AI dhe të Drejtat e Njeriut, AI dhe Zgjedhjet.

Microsoft dhe OpenAI, trajnim në Tiranë mbi përdorimin e

Teksa inteligjenca artificiale (AI) ka pësuar një rritje eksponenciale në shumë sektorë, roli dhe aplikimi i saj në administrimin zgjedhor mbetet kryesisht i paeksploruar. Teknologjitë AI kanë potencial të rëndësishëm të pashfrytëzuar për të përmirësuar efikasitetin, drejtësinë, përfshirjen dhe besueshmërinë e proceseve zgjedhore. Për të siguruar potencialin e AI në të mirë të demokracisë, International IDEA ka publikuar një raport mbi "Inteligjencën Artificiale për Menaxhimin Zgjedhor", i cili analizon rreziqet e lidhura dhe paraqet strategji të mundshme për lehtësimin e ndikimeve potencialisht negative të teknologjive.

Duke u bazuar në këtë raport, International IDEA tani po zhvillon një program të strukturuar trajnimi dhe dialogu për edukimin e aktorëve zgjedhorë në pesë rajone - Azia-Paqësori, Ballkani Perëndimor, Amerika Latine dhe Afrika.