web counter
LEXO PA REKLAMA!

SHKARKO APP

App Store
Google Play

E fundit!

x

Burgu i Peqinit/ Rebelohen tre të paraburgosur. Godasin policët

4 Gusht 2022, 18:43, Aktualitet CNA
Burgu i Peqinit/ Rebelohen tre të paraburgosur. Godasin policët
Foto ilustruese

Në burgun e Peqinit ditën e sotme ka shpërthyer një revoltë. Tre të paraburgosur janë rebeluar duke mos iu bindur urdhrave të policisë.

Mësohet se tre të burgosur në burgun e Peqinit nuk kanë dashur të kthehen në qeli mbas përfundimit të orarit të ajrosjes e për këtë gjë është dashur ndërhyrja e grupit të gatshëm për t'i futur në qeli.

Tre të paraburgosurit janë Kastriot Likja, Arlind Daja, Kreshnik Ibraliu, të cilët në momentin që kanë hyrë policët  për t’i ndaluar, ata i kanë goditur.

Te tre janë vënë nën akuzë të re krahas akuzave për të cilat ishin arrestuar.

Kastriot Loka për “Rebelimi i të dënuarve”, “Goditje për shkak të detyrës”, “Plagosje e lehtë me dashje” dhe “Kundërshtimi i punonjësit që kryen një detyrë shtetërore ose shërbim publik” te parashikuar nga nenet 270,237,89 dhe 235 të Kodit Penal.

Arlind Daja. për “Rebelimi i të dënuarve” dhe “Kundërshtimi i punonjësit që kryen një detyrë shtetërore ose shërbim publik” te parashikuar nga nenet 270, dhe 235 të Kodit Penal.

Kreshnik Ibraliu për “Rebelimi i të dënuarve” dhe “Kundërshtimi i punonjësit që kryen një detyrë shtetërore ose shërbim publik” te parashikuar nga nenet 270, dhe 235 të Kodit Penal.

Materialet i kaluan Prokurorisë Pranë Gjykatës së Shkallës së Parë Elbasan./CNA.al





Lajmet e fundit nga