E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Vrasja e të miturës në Himarë/ Manjani nxjerr nenin që ngarkon me përgjegjësi Ramën, Çuçin e Kumbaron

4 Gusht 2022, 18:19, Aktualitet CNA

Vrasja e të miturës në Himarë/ Manjani nxjerr nenin që

Edi Rama, Mirela Kumbaro e Bledi Çuçi

Ish-ministri i Drejtësisë, Ylli Manjani, ka publikuar ligjin që ngarkon me përgjegjësi Edi Ramën dhe ministrat e tij, të Turizmit dhe të Brendshëm për vrasjen e vajzës 7-vjeçare në Himarë.

"Meqë janë 'dashnorët' e përgjegjësisë individuale, ja ku e kanë ligjin e shkelur. Ja se si e kanë shpërdoruar detyrën duke krijuar pasoja të rënda, humbjen e jetëve njerëzore!" shkruan Manjani në reagimin e tij

Postimi i plotë i Ylli Manjanit:

Ja ku e keni edhe nenin që ngarkon me përgjegjësi Edi ramën dhe ministrat e Tij të Turizmit dhe të Brendshëm.

Ligji me numër 43 i vitit 2020, ka rregulluar lundrimin detar për qëllime turistike.

Që ky ligj të zbatohet,duhej që Edi Rama dhe ministrat e Tij të bënin disa akte nënligjore, brenda 6 muajve i ka urdhëruar Parlamenti!!!

Me këto akte sigurohet regjistrimi i mjeteve,pronësia e tyre,përdorimi, rregullat e përdorimit e çdo gjë që i bën ato të sigurta.

Por hiç! As 6,as 12,as 24 e as hiç muaj.

As Edi e as ministrat përgjegjës nuk e qethën fare.

Ah po, kanë bërë vetëm një udhëzim për të dhënë lejet e drejtimit, po ato kryesoret hiç .

Po meqë janë "dashnorët" e përgjegjësisë individuale, ja ku e kanë ligjin e shkelur. Ja se si e kanë shpërdoruar detyrën duke krijuar pasojë të rëndë, humbjen e jetëve njerëzore!

Kujtoj se në paraburgim ka sot zyrtarë që s'i kanë bërë asgjë detyrës, por janë në burg. Ndërsa Edi &co tallen me detyrën sipas qejfit, duke marrë jetë njerëzish e s'u hyn gjëmb në këmbë!!!

Dakord, nuk do politikë, po ligj do?!

Ja ku e ka!

E ka shkelur me të gjitha këmbët.

Kjo papërgjegjshmëri i bën përdoruesit e mjeteve lundruese të sillen si të duan. Ndoshta rasti i policit kriminel,nuk do kishte kuptim as ligji, por së paku do dallohej edhe mëqartë përgjegjegjësia individuale e tij.

Sot këtë përgjegjësi e mban Edi Rama dhe të paktën 2 ministra përgjegjës.

Jo për gjë po e kishin përgatitur më së miri këtë sezon...! E kanë qa.