E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Blendi Gonxhe “mesazh” drejtuesve të mjeteve: Në rrugë do të ketë kamera inteligjente

17 Nëntor 2022, 22:33, Aktualitet CNA

Blendi Gonxhe “mesazh” drejtuesve të mjeteve: Në

Drejtori i përgjithshëm i transportit rrugor të Shqipërisë, Blendi Gonxhe

Drejtori i përgjithshëm i transportit rrugor të Shqipërisë, Blendi Gonxhe, ka deklaruar se në disa nga akset kryesore rrugore do të ketë kamera inteligjente.

Këto kamera do të tregojnë shkeljet që bëhen në qarkullimin rrugorë.

Gjatë një interviste me moderatoren Anjola Hamzaj, Gonxhe tha se dy vitet e fundit policia ka bërë një punë shumë të mirë dhe se pajisjet teknologjike do të ulin numrin e policëve në rrugë. Akset rrugore ku janë vendosur kamerat janë përcaktuar në bashkëpunim me ARRSH.

“Programet e reja që duhet të jenë të monitorimit dhe të mbikëqyrjes së rrugëve në bashkëpunim me ARRSH-në, që do jenë me kamera që do bëjnë të ketë më pak policë prezentë janë përcaktuar akset më problematike rrugore që do të jenë më duket rreth 200 kilometra, të cilat do të jenë kryesisht në zonën qendrore dhe të lëvizjeve më të shumta, më të shpeshta dhe më të dendura të trafikut në rrugët tona. Ne u ulëm që të ndihmojmë policinë dhe të ndihmojmë dhe qytetarët që do e kenë gjobën në zarf, në shtëpi, në postë”, është shprehur Gonxhe.

Gonxhe theksoi se ka pasur ndryshime ligjore edhe për çështjen e mesimdhenies në mënyre qe te kemi shofer sa më të trajnuar.

“Ne kemi bërë sivjet ndërhyrje të guximshme të cilat do të rregullojnë ndjeshëm cilësinë e mësimdhënies, cilësinë e shkollimit si dhe standardet e marrjes së mësimit në ato autoshkolla, që ato të jenë të njëjta, të jenë të njësuara në të gjithë territorin e vendit, të jenë dinamike në rastet e trafikut. Do të ketë deri një ndërhyrje në nivele të teknologjisë didaktike më bashkëkohore”, tha Gonxhe.

Gjithashtu deklaroi se janë ulur numri i aksidenteve krahasuar me një vit më parë me 14%. Po ashtu numri i viktimave është ulur me 19%./ CNA.al