Belind Këlliçi publikon dokumentet/ Veliaj, pronari faktik i inceneratorit të Tiranës

8 Prill 2024, 14:18, Aktualitet CNA

Belind Këlliçi publikon dokumentet/ Veliaj, pronari faktik i

Drejtuesi politik i PD-së për Tiranën, Belind Këlliçi, ditën e sotme, në një deklaratë për mediat, ka publikuar dokumentet që sipas tij Erion Veliaj pranon autorësinë e grabitjes së 132 milionë eurove në aferën e shekullit, atë të inceneratorit të Tiranës.

Këlliçi u shpreh se me dy firmat e tij, të hedhura në mars 2017 dhe mars 2018, Erion Veliaj miratoi dhe garantoi pagesat për këtë kontratë koncesionare 30-vjeçare.

Anëtari i Kryesisë deklaroi se ishte Erion Veliaj ai që mori kompetencat e Këshillit Bashkiak dhe Këshillit të Qarkut Tiranë, duke zhdukur në llogari offshore plot 132 milionë euro nga taksat e qytetarëve të Tiranës.

“Dy ditë më parë, kreu i organizatës kriminale '5D' dhe pronari faktik i inceneratorit të Tiranës, Erion Veliaj, më në fund pranoi autorësinë e grabitjes së 132 milionë eurove në aferën korruptive të shekullit, inceneratorin fantazmë të Tiranës.

Me dy firmat e tij, të hedhura në mars 2017 dhe mars 2018, Erion Veliaj miratoi dhe garantoi pagesat për këtë kontratë koncesionare 30-vjeçare.

Erion Veliaj sot na hiqet si viktimë e organizatës së tij kriminale me drejtorët hajdutë, por në fakt ai është drejtuesi i saj. Ishte Erion Veliaj ai që mori kompetencat e Këshillit Bashkiak dhe Këshillit të Qarkut Tiranë, duke zhdukur në llogari offshore plot 132 milionë euro nga taksat e qytetarëve të Tiranës", tha Këlliçi.

Belind Këlliçi publikon dokumentet/ Veliaj, pronari faktik i

"Le ta kujtojmë edhe një herë bashkë se si në shtator të vitit 2017, Veliaj rrihte gjoksin dhe merrte plotësisht autorësinë dhe meritat për këtë aferë korruptive", tha Këlliçi teksa publikoi videon.

Këlliçi denoncoi se Veliaj vuri të gjithë organizatën kriminale të Bashkisë Tiranë në shërbim të biznesit të dherave duke u zhvatur dhjetëra miliona euro qytetarëve.

“Fill pas kësaj ngjarjeje, Erion Veliaj vendosi të gjithë organizatën kriminale të Bashkisë së Tiranës edhe në shërbim të biznesit të dherave, duke vjelë dhjetëra milionë euro shtesë nga kontrata koncesionare.

Kryetari i Bashkisë Tiranë, Erion Veliaj, nuk është njëri prej klientëve të kësaj kontrate, por pronari faktik dhe përfituesi kryesor nga kjo aferë korruptive”, u shpreh Këlliçi./ CNA

Belind Këlliçi publikon dokumentet/ Veliaj, pronari faktik i