web counter
LEXO PA REKLAMA!

SHKARKO APP

App Store
Google Play

Rrëzohet kërkesa për heqjen e masës ndaj Berishës dhe Malltezit

8 Prill 2024, 14:02, Aktualitet CNA

Rrëzohet kërkesa për heqjen e masës ndaj Berishës dhe

GJKKO ka rrëzuar kërkesën për heqjen e masës së sigurisë arrest shtëpie ndaj ish-kryeministrit Sali Berisha dhe Jamarbër Malltezit.

Ka qenë gjyqtarja Irena Gjoka ajo që ka lënë në fuqi vendimin për arrest shtëpie.

Avokati Genc Gjokutaj, tha në një deklaratë për mediat pas daljes nga Gjykata e Posaçme, se kërkimet nuk do të shterojnë derisa të zëvendësohet masa për Berishën dhe Malltezin.

"Gjykata shpalli vendimin për të dy, për z. Sali Berisha dhe zotin Jamarbër Malltezi duke rrëzuar kërkesën për zëvendësimin e masës së arrestit në shtëpi. Sigurisht që kërkimet tona nuk do të shterojnë duke pasur si shtyllë kryesore, zëvendësimin e masës së arrestit në shtëpi për z. Berisha dhe z. Malltezi.

Ju duhet të dini që një nga elementët bazë të kërkesës sonë është fakti se kjo gjykatë ka vendosur mbi një dispozitë të shfuqizuar gjashtë vjet më parë. Kodi i ri i procedurës nuk parashikon vetëm personat që bashkëjetojnë, takimin, komunikimin si e drejtë bazike, parimin e Gjykatës së të Drejtave të Njeriut, zoti Berisha vetëm me personat që bashkëjeton. Kjo është dispozita e vjetër.

Dispozita e re ka ndryshime në gërshetim dhe me ligjin për të arrestuarit, të dënuarit, në të cilin mund të takohet jo vetëm me personin bashkëjetues, por edhe me persona të tjerë.

Një tjetër element është edhe fakti që SPAK, gjatë gjithë këtyre muajve hetim nuk ka asnjë provë të re, nuk ka kryer asnjë hetim që të mbajë në këmbë këtë hetim dhe mbi gjithë këtë, merr edhe një vendim për zgjatjen e afatit të hetimit dhe qëndrimi në arrest shtëpie i z. Berisha, i z. Jamarbër Malltezi pa një fakt të ri, e zbut nevojën e sigurimit dhe ata nuk kanë më pse e ndjekim hetimin në gjendjen e arrestit të shtëpisë sepse nuk ka asnjë kusht dhe asnjë kriter që ai të mbahet në arrest shtëpie.

Kështu që Gjykata e rrëzoi kërkesën. Si gjithmonë kjo gjykatë, pavarësisht nga shkaqet që ne paraqesim dhe ngremë, merr vendimin e rrëzimit në atë qëndrimin konsekuent të saj për arsye që tashmë ne i kemi deklaruar të ndërhyrjes së politikës që në inicimin e kësaj çështjeje dhe në vendimmarrjet më pas", tha Gjokutaj./ CNA





Lajmet e fundit nga