web counter
LEXO PA REKLAMA!

SHKARKO APP

App Store
Google Play

E fundit!

x

Baby Lasagna dhe Käärijä “fitojnë” Eurovisionin me këngën e tyre të re "#eurodab"

17 Maj 2025, 16:18, Aktualitet CNA

Baby Lasagna dhe Käärijä “fitojnë” Eurovisionin

Nënkampionët respektivë të Eurovision Song Contest 2023 dhe 2024, Käärijä dhe Baby Lasagna, kanë bashkuar forcat në këngën e re "#eurodab", duke na kujtuar kohët më të thjeshta të mesit të viteve 2010.

Dyshja do të performojë së bashku në finalen e madhe të Eurovision Song Contest këtë të shtunë, më 17 maj.

Autorët e njohur Joy Deb dhe Linnea Deb kanë bashkëpunuar gjithashtu në këtë këngë.

Dy yjet e dashur të Eurovisionit, nënkampionët e viteve 2023 dhe 2024, Käärijä dhe Baby Lasagna, kanë bashkuar forcat për të rikthyer “dab-in” në skenë. Në këngën e tyre më të re "#eurodab", artisti finlandez dhe ai kroat rikujtojnë nostalgjikisht kohët më të thjeshta të mesit të viteve 2010, kur “dab-i” u shndërrua në një fenomen kulturor global. Gjithashtu, "#eurodab" është publikimi i parë i Baby Lasagna-s në të cilin ai këndon në kroatisht. Dyshja do të performojë së bashku përpara qindra miliona shikuesve në finalen e madhe të Eurovision Song Contest 2025 këtë të shtunë, më 17 maj.

Baby Lasagna dhe Käärijä “fitojnë” Eurovisionin

Autorët e njohur Joy Deb dhe Linnea Deb (të famshëm për punën e tyre me Fifth Harmony, Akon, JoJo), krijues të shumë hiteve të suksesshme në Eurovision, përfshirë këngën fituese të Eurovision Song Contest 2015 “Heroes”, kanë bashkëpunuar gjithashtu për këtë këngë.

“Është një nder i madh të punoj me Baby Lasagna, ai është një njeri i shkëlqyer! Kënga është shumë emocionuese dhe plot surpriza”,-u shpreh Käärijä.

“Mbaj mend që e kam parë Käärijän në 2023 dhe kam menduar se ishte personi më cool që kam parë ndonjëherë. Është e pabesueshme të mendosh që tani kemi një këngë bashkë dhe që do të performojmë së bashku në skenën më të madhe duke i dhënë publikut një shpërthim të vërtetë”,-tha Baby Lasagna.

Baby Lasagna fitoi pa dyshim zemrat e publikut në Eurovision 2024 me këngën *Rim Tim Tagi Dim” dhe hyri në histori si përfaqësuesi më i suksesshëm i Kroacisë në Eurovision Song Contest deri më tani, që nga viti 1993. Kënga u rendit në top-listat e 21 vendeve dhe arriti vendin e 45-të në klasifikimin global të Spotify. Pas pushtimit të Europës, ai publikoi albumin e tij të parë  “DMNS & MOSQUITOES” dhe realizoi një turne europian me shumë koncerte të shitura tërësisht në të gjithë kontinentin.

Baby Lasagna dhe Käärijä “fitojnë” Eurovisionin

Käärijä fitoi zemrat e publikut në të gjithë Europën në Eurovision 2023 dhe triumfoi bindshëm në votat e audiencës me këngën *Cha Cha Cha*. Kënga arriti vendin e 7-të në klasifikimin global të Spotify dhe është ende kënga më e transmetuar në gjuhën finlandeze në histori, me gati 170 milionë dëgjime. Që atëherë, ai ka realizuar dy turne europianë dhe ka fituar një sërë çmimesh, duke përfshirë “Best Nordic Act” në MTV EMAs.

Ndiqni Käärijän në profilin e tij zyrtar në Instagram dhe TikTok. Dëgjoni singlin *#eurodab* në të gjitha platformat streaming.

 

 





Lajmet e fundit nga