web counter
LEXO PA REKLAMA!

SHKARKO APP

App Store
Google Play

E fundit!

x

Spaho: Skicat satirike të Llazar Fundos përcjellin mesazh për shoqërinë e kohës

16 Maj 2025, 13:10, Aktualitet CNA
Spaho: Skicat satirike të Llazar Fundos përcjellin mesazh për
Dekania Jonela Spaho

Dekania e Fakultetit të Edukimit dhe Filologjisë, Prof.As.Dr. Jonela Spaho, ka deklaruar se Llazar Fundo është një figurë e shquar e mendimit intelektual shqiptar.

Spaho u shpreh në një prononcim për CNA se personalitete të fuqishme të mendimit shqiptar, duhet të dalin në dritë dhe të rivlerësohet figura e tyre në kontekstin e sotëm, por edhe në horizontet e tjera të pritjes.

Spaho tha se është përqendruar te skicat satirike të Llazar Fundos, të cilat prekin probleme të mprehta të aktualitetit shqiptar.

Me penën e tij, me analizën që u bën elementeve të këtij realiteti, siç janë sistemi arsimor, ushtria, mentaliteti shqiptar, mënyra e jetesës, plagë të tilla si gjakmarrja, varfëria, martesat mes dy feve që atëherë ishin akoma tabu, zënë vend në skicat satirike të tij dhe përcollën një mesazh për shoqërinë e kohës, e cila sapo kishte filluar të emancipohej dhe t’i shikonte plagët e saj madje edhe në mënyrë satirike, ironike, ashtu siç Zai Fundo shfrytëzoi përvojën dhe i pasqyroi në shkrimet e tij.

“Llazar Fundo është një figurë e shquar e mendimit intelektual shqiptar. Për një kohë të gjatë kjo figurë ka mbetur në heshtje, e pazbuluar në dimensionet e veta për arsye subjektive apo objektive, por mendoj që ka ardhur koha që këto personalitete të fuqishme të mendimit shqiptar, të dalin në dritë dhe të rivlerësohet figura e tyre në kontekstin e sotëm, por edhe në horizontet e tjera të pritjes.

Përgjithësisht unë jam përqendruar në lidhjet e Llazar Fundos me shkrimin, të themi letrar, bëhet fjalë për skicat e tij satirike të botuara te gazeta e Korçës në vitet 1923 kur ai sapo ishte kthyer i sapodiplomuar në Sorbonne, me një bagazh intelektual të adhurueshëm, me idetë e revolucionit francez, me përvojën e shkrimtarëve të mëdhenj botërorë dhe francezë, të cilët një pjesë të mirë i kishte pasur miq, dhe pikërisht me këtë bagazh ai vjen e kontribuon në shtypin e kohës, veçanërisht në gazetën e Korçës me skicat e tij satirike të cilat prekin probleme të mprehta të aktualitetit shqiptar.

Me atë penën e tij, me analizën që u bën elementeve të këtij realiteti, siç janë sistemi arsimor, ushtria, mentaliteti shqiptar, mënyra e jetesës, plagë të tilla si gjakmarrja, varfëria, martesat mes dy feve që atëherë ishin akoma tabu, zënë vend në skicat satirike të tij dhe përcjellin një mesazh për shoqërinë e kohës, e cila sapo kishte filluar të emancipohej dhe t'i shikonte plagët e saj, madje edhe në mënyrë satirike, ironike, ashtu siç Zai Fundo shfrytëzoi përvojën dhe i pasqyroi në shkrimet e tij. Kjo traditë që hapi ai, do të ndiqej nga plejada e shkrimtarëve të viteve 1930, Nonda Bulka, Qemal Stafa etj., në kuptimin e kësaj që të ndërtonin një lloj shkrimi të tillë satirik ku të godisnin problemet më të mprehta të realitetit të asaj kohe. Zai Fundo ka meritën që ishte ndër të parët që e hapi këtë udhë në shtypin shqiptar”, tha Spaho./ CNA





Lajmet e fundit nga