web counter
LEXO PA REKLAMA!

SHKARKO APP

App Store
Google Play

Çarja e argjinaturës së Selës/ Situata në lagunën e Vainit vijon problematike

21 Nëntor 2025, 11:11, Aktualitet CNA

Situata e krijuar nga çarja e argjinaturës së Selës në lagunën e Vainit në zonën e Tales në Lezhë vijon të jetë problematike.

Ka prezencë uji edhe në disa banesa, ndërsa shumë të tjera janë të rrethuara. Kryetari i Bashkisë Lezhë, Pjerin Ndreu, tha se operacioni po vijon pa ndërprerje dhe synimi është mbyllja e argjinaturës, me qëllim që uji të mos përhapet më tej në zonat e banuara.

Ndreu ironizoi edhe deputetët e PD-së teksa tha se pinë verë e hanë peshk e më pas kujtohen për të përmbyturit.

 

“Kemi bërë një rivlerësim të situatës duke pasur parasysh së pari mbrojtjen e jetës së njerëzve. Kemi mjetet tona, por edhe të ushtrisë për të ndërhyrë në çdo rast të mundshëm evakuimi. Mendoj që sistemin e kemi vënë në funksion, patjeter që ishte situatë e vështirë sepse argjinatura ështe çarë rreth 40 metër. Kemi njoftim për 2-3 banesa të përmbytura në të cilat kemi ndërhyrë”, tha Ndreu.

 

Autoritetet vendore theksojnë se situata mbetet në monitorim të vazhdueshëm, ndërsa ekipet në terren po punojnë në mënyrë intensive deri në stabilizimin e plotë të gjendjes.

Pritet që ndërhyrjet e orëve në vijim të sjellin përmirësim gradual, ndërkohë që banorëve u bëhet apel të tregojnë kujdes dhe të ndjekin udhëzimet e strukturave të emergjencave civile./CNA





Lajmet e fundit nga