web counter
LEXO PA REKLAMA!

SHKARKO APP

App Store
Google Play

100 vjet 100 rrëfime-Frangu Ar/ Monedha e parë kombëtare e Shqipërisë

20 Nëntor 2025, 20:34, Aktualitet CNA

100 vjet 100 rrëfime-Frangu Ar/ Monedha e parë kombëtare e

Banka e Shqipërisë ka ndarë informacione rreth monedhës së parë kombëtare të Shqipërisë.

Monedha e parë shqiptare ishte Frangu Ar që u përcaktua me konventën e vitit 1925. Sipas raportit: 1 frang ari = 5 lekë dhe 1 lek = 100 qindar.

“Me Konventën e vitit 1925, si monedhë me kurs ligjor e Shtetit Shqiptar u përcaktua Frangu ar (Franga shqiptare), me nënfishat e tij Lek dhe Qindar, sipas raportit: 1 frang ari = 5 lekë dhe 1 lek = 100 qindar.

Banka Kombëtare e Shqipërisë, e ngarkuar me të drejtën ekskluzive të emisionit monetar, detyrohej të mbante rezervë minimale prej ? të vlerës së kartëmonedhave në qarkullim në ar ose valuta të konvertueshme, si garanci për qëndrueshmërinë e parasë në qarkullim dhe për të fituar besimin e popullsisë që ishte mësuar të përdorte vetëm monedha të huaja prej ari dhe argjendi, me vlerë reale.

Banka do të kujdesej për shtypjen dhe emetimin e monedhave me prerjet dhe metalet përkatëse si vijon: Në ar - 100, 20 dhe 10 franga ar; në argjend - 5, 2, 1 dhe 0.50 franga ar, në nikel - 0.20, 0.10 dhe 0.05 franga ar, në bakër 0.05, 0.02 dhe 0.01 franga ar. Ky shkallëzim prerjesh mendohej të siguronte lehtësi në transaksionet e përditshme dhe funksionim të qëndrueshëm të sistemit monetar.

100 vite Banka e Shqipërisë: një shekull i mbushur me sfida dhe arritje. Me këto postime, ju ftojmë të udhëtoni mes së shkuarës, të tashmes dhe vizionit për të ardhmen e bankës qendrore dhe monedhës sonë kombëtare”, tregon Banka e Shqipërisë./ CNA





Lajmet e fundit nga