web counter
LEXO PA REKLAMA!

SHKARKO APP

App Store
Google Play

Moti i keq në Korçë/ Përmbyten dy banesa, banorët: Kemi vite që e vuajmë këtë gjë

20 Nëntor 2025, 22:26, Aktualitet CNA

Moti i keq në Korçë/ Përmbyten dy banesa, banorët:

Dy banesa në lagjen numër 6 të qytetit të Korçës janë rrezikuar të përmbyten nga reshjet e shiut. Këto dy familje hasen me të njëjtën problematikë çdo herë që ka reshje të dendura shiu.

Mbrëmjen e sotme, uji ka vërshuar në oborret e banesave të tyre si edhe ka hyrë brenda shtëpive. Dy zonjat kryefamiljare kanë treguar situatën duke thënë se janë ankuar gjithmonë por asnjë s’ka marrë masa për të gjetur një zgjidhje.

"Më ka hyrë uji në banesë, ne kemi vite që vuajmë këtë gjë. Kemi lajmëruar, nuk vënë dorë për të hapur një kanal. Mua nuk më është dëmtuar gjë momentalisht, por rri duke larguar ujin, jam e sëmurë me astmë. Jemi simos më keq këtu, nuk na i var njeri, nuk na sheh njeri. Ne nuk kemi fjetur këto netë nga frika."

"Ne gjithmonë që bie shi, të njëjtën situatë kemi. Ne sa herë që bie shi, mbytemi, notojmë brenda. Jemi ankuar sa herë që hapin pusetën, vijnë e hapin kanali, por përsëri ujrat e zeza na shpërthejnë brenda në banesë.

Shyqyr brenda nuk arriti të hynte uji, se arritëm të lajmëronim në kohë. Erdhën dhe dje ata djemtë e pastruan pak, edhe djali me lopatë andej matanë. Mirë po gryka e tubave është e ngushtë, duhet pastruar dhe duhet ndryshuar, që dhe ne të rrimë rehat. Po ka, dy familje jemi ne. Unë burrin e kam të sëmurë, ka bërë koronaren, doli nga spitali. Po ra prapë shi do na hyj në banesë", tha banorja./ CNA





Lajmet e fundit nga