web counter
LEXO PA REKLAMA!

SHKARKO APP

App Store
Google Play

E fundit!

x

Apeli jep vendimin/ Lihet në fuqi pezullimi nga detyra i Presidentit të Urdhrit të Stomatologut

17 Nëntor 2023, 16:54, Aktualitet CNA

Apeli jep vendimin/ Lihet në fuqi pezullimi nga detyra i Presidentit

Gjykata e Apelit ka dhënë sot vendimin në lidhje me masën e pezullimit nga detyra të Presidentit të Urdhrit të Stomatologut, Nikolla Deda.

Mësohet se Apeli ka lënë në fuqi pezullimin.

Deda akuzohet për abuzim me detyrën. 68-vjeçari, në cilësinë e Kryetarit të Urdhrit të Stomatologut, nuk ka zbatuar rregulloren e brendshme për zgjedhjet e reja të Komitetit Drejtues. Me afat të përfunduar si mbajtës i këtij posti, ai ka shkarkuar pa të drejtë nga detyra një punonjës.

Deda dyshohet se ka kryer edhe abuzime financiare dhe manipulime me vendimmarrjeve të Këshillit Kombëtar që datojnë nga viti 2016, vendim që nuk lejohej të merrej për shkak të impaktit të lartë ekonomik.

Gjithashtu, Këshilli Kombëtar i Urdhrit të Stomatologut ka aprovuar marrjen e nje kredie pranë një banke në vlerën prej 250 mijë eurosh me qëllim “blerje ambientesh”, për të cilin është marrë vendimi po nga presidenti.

Një tjetër akuzë që rëndon ndaj Nikolla Dedës është se ka krijuar “klimë posedimi privat” duke përqendruar në duart e tij funksionet e këshillave rajonale qoftë për sa i përket administrimit të buxhetit të urdhrit të stomatologut ne nivel qarku, qoftë përsa i përket pajisjes me licencë të stomatologeve për ushtrim individual profesioni.

Nga hetimet e prokurorisë ka rezultuar se ai ka punësuar të fejuarat e djemve të tij në Urdhrin e Stomatologut, apo fëmijët e anëtarëve të Këshillit Kombëtar./ CNA





Lajmet e fundit nga