web counter
LEXO PA REKLAMA!

SHKARKO APP

App Store
Google Play

E fundit!

x

Detaje nga shenjat në trup të 2-vjeçares, mjekët: U dogj me cigare nga vëllai, vuan nga sëmundje të lëkurës

17 Nëntor 2023, 10:42, Aktualitet CNA
Detaje nga shenjat në trup të 2-vjeçares, mjekët: U dogj
Foto ilustruese

2-vjeçarja që u dërgua një ditë më parë në shërbimin e urgjencës në Tiranë, me djegie në trup, u është nënshtruar dy ekzaminimeve nga mjekët ligjorë. Nga ekzaminimet ka rezultuar se vajza është djegur me cigare rreth një javë më parë dhe janë hedhur poshtë dyshimet për një abuzim të mundshëm ndaj saj.

Mediat raportojnë se 2-vjeçarja kishte vetëm një djegie në zonën e qafës me cigare, ndërsa gjithë shenjat e tjera janë si pasojë e një sëmundjeje lëkure nga e cila vuan e mitura. 

Po ashtu në media raportohet se policia ka pasur dyshime për autorin e djegieve, por pas veprimeve hetimore dhe marrjes në pyetje të vëllait 9-vjeçar, në prani të psikologes, ka rezultuar se vajza e vogël nuk është dhunuar nga persona të tjerë.

Agjentët e Komisariatit nr. 4 po përgatisin dokumentacionin për kalimin e rastit te shërbimi social për heqjen e të drejtës së prindërimit pasi familja e vogëlushes jeton në kushte të mjerueshme ekonomike.

2-vjeçarja u dërgua në spital nga halla e saj./CNA







Lajmet e fundit nga