web counter
LEXO PA REKLAMA!

SHKARKO APP

App Store
Google Play

E fundit!

x

Apeli i GJKKO-së e la në burg/ Avokati i Metës: Kjo histori nuk përfundon këtu, kërkesa do të vijojë

8 Shtator 2025, 11:07, Aktualitet CNA

Apeli i GJKKO-së e la në burg/ Avokati i Metës: Kjo histori nuk

Kujtim Cakrani, avokati i presidentit të Partisë së Lirisë, Ilir Meta, deklaroi sot se do të vijohet ankimimi i masës së sigurisë, teksa pak minuta më parë u dha një vendim për lënien në fuqi të "arrestit me burg".

Në fjalën e tij në përfundim të seancës në Apelin e GJKKO-së, Cakrani u shpreh se Meta nuk duhet të qëndojë në paraburgim, teksa siç shpjegoi akuzohet për nenin 260 të Kodit Penal.

“Nuk është se prisnim diçka nga ajo gjykatë. Do të vazhdojmë kërkesën për masat e sigurisë. Çështja tashmë është përpara gjykatës dhe seancës paraprake. Presidenti nuk duhet të qëndojë në burg. Është turp. Nuk ndodh në asnjë vend. Padyshim që janë kthyer në gjykata politike dhe nuk ka asnjë dyshim mbi këtë që po ndodh me presidentin Meta. Akoma nuk kemi vendosur se çfarë do të bëjmë me gjyqtaren Gjoka. Meta është numri dy i opozitës, nuk është normale të jetë i paraburgosur. Kjo histori nuk përfundon këtu. Nuk duhet të varen nga opinioni publik. Sot po flas për një procedurë për zëvendësimin e masës. Do të shikojmë si do të rrjedhin gjërat, por kërkesa për zëvendësim do të vazhdojë. Akuzohet për nenin 260 të Kodit Penal. Unë kam folur vetëm 40 minuta në seancë. Nuk kanë shanse të tallen, të paktën me mua nuk kanë asnjë shans”,-tha Cakrani./CNA





Lajmet e fundit nga