web counter
LEXO PA REKLAMA!

SHKARKO APP

App Store
Google Play

E fundit!

x

Ambasadorja izraelite për protestat: Problemet e brendshme po iu atribuohen hebrenjve, kjo është e rrezikshme

7 Qershor 2026, 23:03, Aktualitet CNA

Ambasadorja izraelite për protestat: Problemet e brendshme po iu atribuohen

Ambasadorja e Izraelit në Shqipëri, Galit Peleg ka komentuar protestat e zhvilluar ditët e fundit në Shqipërisë dhe pankartat me thirrje anti-izraelite.

Në një intervistë, ambasadorja u shpreh se protestat tregojnë se Shqipëria është në demokraci dhe se qytetarët shprehin lirisht mendimin e tyre.

Më tej shtoi se pankartat i kujtuan element të parë në Gjermaninë e viteve ’30, kur problemet e brendshme të vendit i faturoheshin pakicës hebraike. Gjithashtu theksoi se është lajm i rremë që Izraeli apo hebrenjtë po blejnë territore në Shqipëri.

“Protestat janë një gjë shumë e mirë. Ato tregojnë se Shqipëria është një demokraci dhe se qytetarët mund të shprehin lirisht mendimet e tyre. Unë i kuptoj plotësisht shqetësimet e protestuesve. Por ajo që pamë në lidhje me Izraelin ishte shumë e pafat. Disa persona po përpiqen të përdorin një protestë legjitime për të promovuar agjenda të tjera, madje të rrezikshme.

Kur pashë posterat ku kryeministri Rama paraqitej si hebre fetar, me simbole hebraike, më kujtoi elementë që kemi parë në Gjermaninë e viteve ’30, kur problemet e brendshme të vendit i faturoheshin pakicës hebraike. Të përdorësh çështje të brendshme dhe t’ua atribuosh hebrenjve është një rrugë shumë e rrezikshme.

Dua ta them qartë: është lajm i rremë që Izraeli apo hebrenjtë po blejnë Shqipërinë apo territore shqiptare. Jetojmë në kohën e inteligjencës artificiale dhe është shumë e lehtë të prodhosh imazhe apo lajme të rreme. Jetojmë në kohën e inteligjencës artificiale dhe është shumë e lehtë të prodhosh imazhe apo lajme të rreme", tha ajo. 

Ambasadorja tha gjithashtu se ka aktorë që nuk duan të shohin marrëdhënie të mira mes Izraelit dhe Shqipërisë, ndërsa shtoi se këto ngjarje mund të dëmtojnë ndjenjën e sigurisë që ndjejnë izraelitët kur vizitojnë Shqipërinë.

“Nuk kam asnjë dyshim se bëhet fjalë për një grup shumë të vogël njerëzish që po helmojnë këto protesta. Po ashtu nuk kam dyshim se ka aktorë që nuk duan të shohin marrëdhënie të mira mes Izraelit dhe Shqipërisë. Ata nuk mund ta ndryshojnë historinë apo miqësinë mes dy popujve, por mund të dëmtojnë ndjenjën e sigurisë dhe mikpritjes që ndjejnë izraelitët kur vizitojnë Shqipërinë. Dhe kjo do të ishte një humbje për Shqipërinë, sepse mikpritja dhe toleranca janë ndër asetet më të çmuara të saj”, u shpreh Peleg. /CNA





Lajmet e fundit nga