web counter
LEXO PA REKLAMA!

SHKARKO APP

App Store
Google Play

E fundit!

x

“Akuzat i ka të rënda”/ Klodiana Lala: Procesi për Veliajn do të përfundohet brenda një kohe sa më të shpejtë

17 Dhjetor 2025, 15:31, Aktualitet CNA

“Akuzat i ka të rënda”/ Klodiana Lala: Procesi për

Gazetarja Klodiana Lala është ndalur sot në çështjen ligjore të lidhur me kryebashkiakun e arrestuar të Tiranës, Erion Veliaj.

Në një studio televizive, Lala theksoi se akuzat që rëndojnë mbi Veliajn janë të rënda, mbi të gjitha si një i zgjedhur vendor.

Sipas Lalës, procesi ndaj Veliajt do të përfundohet brenda një kohë sa më të shpejtë, teksa pretendimet e SPAK-ut mbeten legjitime.

“Ka një problematikë, ligji nuk lejon një gjykatë që të pezullojë nga ushtrimi i funksionit një të zgjedhur vendor, si rasti i Veliajt. Kam thënë se mënyra e shkarkimit të tij ishte e paligjshme për sa kohë ai nuk jep dorëheqje. Kërkesa ishte e anëtarëve socialistë tërësisht e pabazuar. Zoti Veliaj është vërtet kryetar i Bashkisë së Tiranës, por nga ana tjetër, ligji i jep të drejtën, mënyrën se si do ta ushtrojë detyrën e tij është përmes delegimit. Për ata që kanë qenë të vëmendshëm dhe nëse e kanë ndjekur me interes seancën në GJK, dhe njëri i bëri pyetjen Veliajt se si do ta ushtroni detyrën për sa kohë jeni izoluar. Ai tha përmes delegimit. Zoti Veliaj e ka dhënë përgjigjen e tij duke i thënë një institucioni gjyqësor se unë do ta delegoj pushtetin. Atributet që mund të ushtronte ai si i zgjedhur vendor, i ushtrojnë zëvendësit e tij që me firmën e zotit Veliaj e kanë marrë atë atribut. Kështu që kërkesa në këndvështrimin tim ishte e pabazuar. Veliaj është kryetar, por e delegon pushtetin. Beleri nuk është lejuar të betohet se ligji s’e lejonte, Veliaj nuk mund të lejohet kurrsesi të marrë një leje të posaçme për të ushtruar detyrën. Veliajn, thotë SPAK-u, e mbajmë ne pas hekurave se për shkak të pushtetit si kryetar ekziston rrezik të prishë provat apo të kryejë vepra më të rënda. SPAK-u thotë unë e mbaj të izoluar për këto risqe dhe nga ana tjetër kërkohet të shkojë në Këshillin Bashkiak. Procesi për Veliajn do të përfundohet brenda një kohe sa më të shpejtë, akuzat e tij janë ndër më të rëndat të ngritura për një të zgjedhur vendor. Historia që duhet të shkojë në mbledhjen e këshillit është qarravitje. SPAK-u është në të drejtën legjitime”,-tha Lala./CNA





Lajmet e fundit nga