web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e PD-së/ Linda Rama: Më njohën vlerën si profesioniste, nuk mund të më dyshojnë etikën

26 Dhjetor 2024, 08:44, Aktualitet CNA
Akuzat e PD-së/ Linda Rama: Më njohën vlerën si
Linda Rama

PD u ka dërguar një letër bordeve të donatorëve UNDP, ILO, UNICEF dhe USAID, ku ka ngritur akuza se Linda Rama, në konflikt interesi, ka hartuar ekspertiza për gjendjen ekonomike të Shqipërisë.

Këtyre akuzave u është përgjigjur mbrëmjen e djeshme bashkëshortja e kryeministrit Edi Rama.

Ajo tha mbrëmjen e së mërkurës në emisionin “Opinion” se këtë letër e sheh si një vlerësim si profesioniste.

Linda Rama deklaroi se si e tillë nuk mund t'i dyshosh etikën një profesionisteje.

“Faleminderit shumë për pyetjen. Është e vërtetë, ky është një zhvillim i muajit të kaluar në mos gabohem ku Grupi Parlamentar i PD-së me firmën e të gjithë anëtarëve të grupit u drejtoi një letër të gjitha institucioneve ndërkombëtare që kanë prezencën në Shqipëri duke iu kërkuar që të mos më angazhojnë mua në aktivitetin e tyre. Ndërkohë që unë kam 25 vite që punoj në mënyrë të vijueshme me institucionet ndërkombëtare. Tani ka dy momente në atë letër që sipas meje mund të komentohet më shumë.

Janë dy momente që meritojnë sipas meje një vëmendje të posaçme sepse besoj se i shërbejnë edhe interesit publik. E para, në atë letër Grupi Parlamentar i PD-së shpreh vetëdijen e tij dhe konfirmon që unë jam një eksperte e padyshuar për aftësitë e mia profesionale. Mendoj se kjo është një risi në traditën politike në Shqipëri aq më shumë në nivele të tilla institucionale që të konfirmojnë, që është niveli më i lartë politik. Grupi Parlamentar i PD-së, i opozitës, që të konfirmojë aftësitë profesionale të një njeriu të lidhur me kundërshtarin e tyre politik. Në mozaikun tim të konfirmimeve dhe të vlerësimeve për aftësitë e mia profesionale unë mund të them që ky mozaik tashmë është i plotë.

Po, më ka pëlqyer! Po nuk ka një profesionist, i cili vlerëson gjithë jetën në profesionin e vet që të mos vlerësojë faktin që në mozaikun e plotë të konfirmimeve që merr për profesionin. Unë e kam marrë nga ndërkombëtarët, unë e kam marrë nga kolegët, unë e kam marrë nga ata të cilët punojnë në të njëjtën fushë siç punoj unë, e kam marrë edhe sot nga Grupi Parlamentar i partisë opozitare dhe për mua kjo është një arritje shumë e madhe. Momenti i dytë që meriton vëmendje është që ndërsa pohohet që unë jam një profesioniste shumë e mirë thuhet që dyshohet etika dhe objektiviteti i produktit të një profesionisti shumë të mirë”, u shpreh ajo.

Më tej, Linda Rama theksoi: “Nuk mundesh që një profesionisteje që ia ke njohur vlerat, t’i dyshosh etikën sepse të punosh me institucionet ndërkombëtare prej 25 vitesh ti të gjitha standardet e para i njeh dhe e dyta i bën të tuat, ti kthehesh në një prej tyre. Në zyrën time në çdo lloj rasti kur bëhet me kolegët e tjerë projektimi i konkurrimit në një aplikim të caktuar për një detyrë të caktuar është një diskutim i posaçëm nëse bie në kufijtë e një problemi etik apo jo dhe nuk shkohet asnjëherë në ato detyra të cilat mund të kenë probleme etike. Unë kurrë nuk i kam vënë organizatat ndërkombëtare në Shqipëri në situatën e nevojës për t’u shpjeguar nga ndonjë problem që mund të lidhej me angazhimin tim. Unë mendoj që janë marrë konfirmimet tanimë se si qëndron çështja e etikës, por nga kjo iniciativë e Grupit Parlamentar të PD-së i provokuar nga modeli im, mendoj që në radhë të parë kanë përfituar vetë ai Grup Parlamentar i PD-së”./ CNA





Lajmet e fundit nga