web counter
LEXO PA REKLAMA!

SHKARKO APP

App Store
Google Play

E fundit!

x

Aktivitetet për Ditën e Verës/ Ja kufizimet e qarkullimit në Tiranë dhe Elbasan

14 Mars 2026, 10:01, Aktualitet CNA

Aktivitetet për Ditën e Verës/ Ja kufizimet e qarkullimit në

Në kuadër të “Ditës së Verës 2026”, në disa nga segmentet rrugore në kryeqytet do të ketë kufizime në qarkullimin e automjeteve.

Masat janë caktuar për mbarëvajtjen e aktiviteteve të organizuara nga Bashkia e Tiranës, si më poshtë:

Nga data 13 mars 2026, ora 22:00, deri më 14 mars, në orën 18:00:

-Bulevardi “Dëshmorët e Kombit” nga Ministria e Brendshme, deri në fillim të ish “Hotel Dajti”;

-Bulevardi “Dëshmorët e Kombit” nga Ura e ish “Hotel Dajti”, deri në kryqëzimin me rrugën “Ismail Qemali”;

-Bulevardi “Dëshmorët e Kombit” nga kryqëzimi i rrugës “Ismail Qemali”, deri në kryqëzimin me rrugën “Gjergj Filipi”;

-Bulevardi “Dëshmorët e Kombit” nga kryqëzimi i rrugës “Gjergj Filipi”, deri në fillim të sheshit “Nënë Tereza”;

Nga data 13 mars 2026, ora 12:00, deri në datën 15 mars, në orën 02:00

-Rruga “Dëshmorët e 4 Shkurtit” nga kryqëzimi me rrugën “Ismail Qemali”, deri në kryqëzimin me rrugën “Brigada VIII”;

-Rruga “Pjetër Bogdani” nga kryqëzimi me rrugën “Sami Frashëri”, deri në kryqëzimin me rrugën “Gjin Bue Shpata”.

Qarkullimi i automjeteve, mjeteve të emergjencës dhe Policisë së Shtetit do të bëhet sipas planit të lëvizjes, si më poshtë:

Në rrugën “Lek Dukagjini”;

Në rrugën “Abdyl Frashëri”;

Në rrugën “Papa Gjon Pali II”;

Në rrugën “Sami Frashëri”;

Në bulevardin “Zhan D’Ark;

Në bulevardin “Bajram Curri”;

Në rrugën “Myslym Shyri”;

Në rrugën “Abdi Toptani”.

Itinerari i lëvizjes së linjave urbane do të vazhdojë lëvizjen si më poshtë:

Linja Nr. 13 “Tirana e Re” dhe Linja nr. 2 “Teg – Sauk i Vjetër – Kopshti Zoologjik – Ish-Stacioni i Trenit”, do të devijojnë te sheshi “Willson” dhe tek bulevardi “Zogu I”.

Kufizimet në ELBASAN

Policia e Elbasanit ka njoftuar se ka ndërmarrë një plan të posaçëm masash për të garantuar mbarëvajtjen e aktiviteteve të organizuara për Ditën e Verës.

Me datat 13 dhe 14 mars 2026 do të ketë kufizime të përkohshme të qarkullimit në disa segmente rrugore të qytetit.

Gjithashtu, për 48 orë do të bllokohet segmenti rrugor nga “Elbasan Arena” deri te rrethrrotullimi i “1 Majit”.

Gjatë këtyre ditëve ndalohet parkimi i mjeteve në qendër të qytetit dhe përgjatë bulevardit “Aqif Pasha”, ndërkaq, shërbimet e Policisë Rrugore do të jenë të pranishme për orientimin dhe devijimin e trafikut.

Për të shmangur trafikun dhe për të lehtësuar qarkullimin, mjetet do të orientohen drejt hapësirave të përcaktuara të parkimit, sipas drejtimeve nga vijnë në qytet. Konkretisht:

mjetet që vijnë nga lindja (Ura e Bakallit), do të parkohen te Parku i Mallrave;

mjetet që vijnë nga jugu (Kryqëzimi i Cërrikut), do të parkohen te Shkolla e Formimit Profesional dhe te parkimi i ri pranë varrezave publike;

mjetet që vijnë nga perëndimi (Kryqëzimi i Luleve), do të parkohen te shkolla profesionale “Sali Ceka”, në afërsi të Doganës, si dhe në parkimin pranë stacionit të trenit.

Autobusët e linjës Tiranë – Elbasan do të stacionohen pranë Doganës, afër shkollës profesionale, ndërsa autobusët e linjës Elbasan – Cërrik do të stacionohen tek ish-ofiçina, në rrugën “Ura”, pranë tregut industrial./CNA





Lajmet e fundit nga