LEXO PA REKLAMA!

SHKARKO APP

Afera e inceneratorëve/ Malltezi: 4 milionë euro u janë vjedhur donatorëve europianë

7 Gusht 2022, 11:44, Aktualitet CNA

Afera e inceneratorëve/ Malltezi: 4 milionë euro u janë vjedhur

Anëtari i Këshillit Kombëtar, Jamarbër Malltezi, në një dalje për media, i ka kërkuar llogari Qeverisë për aferën e inceneratorëve.

Sipas tij, është injoruar financimi 4 milionë euro i BE-së, për të vrapuar pas një propozimi të pakërkuar.

Malltezi ka shtruar 5 pyetjet që kërkojnë përgjigje për vjedhjen e shekullit.

Deklaratë e anëtarit të Këshillit Kombëtar, Jamarbër Malltezi:

Paguhet shumë për ta varrosur aferën e inceneratorëve, me të cilën kanë vjedhur 105 milionë euro deri tani, dhe vijojnë çdo ditë.

Jo vetëm para të shqiptarëve, por edhe taksapaguesve europianë. 

Bashkimi Europian ka dhënë 4 milionë euro për përafrim legjislacioni mjedisor përmes projekteve STEMA dhe Selea. Sapo u sinkronizuan ligjet, u hartuan Strategjia dhe Plani Kombëtar i Mbetjeve.

Këto u injoruan dhe u vrapua pas një propozimi të pakërkuar për inceneratorë. 

Inceneratorët bien ndesh, qoftë me strategjinë, qoftë me planin e veprimit të financuara nga Bashkimi Europian. 

Pesë pyetje të thjeshta për SPAK-un:

1. Pse u dhunua Strategjia dhe Plani Kombëtar për Menaxhimin e Mbetjeve që ishin në fuqi?  

2. Pse u firmos kontrata, ndonëse APP kish sqaruar se procedura ishte e kundërligjshme?

3. Edi Ramën e zuri ndonjë hall i madh apo bëri ndonjë pazar po kaq të madh që firmosi kontratë në kundërshtim me ligjin?

4. Pse u mashtrua sikur kompania e sapokrijuar kishte eksperiencë të madhe me incenerimin? Si qëlloka që miqtë e Edi Ramës dhe Arben Ahmetajt qenkan ‘nonat e incenerimit’?

5. Çfarë halli apo pazari e detyruan Edi Ramën që gënjeu sikur u kryen 10 procedura brenda 1 dite?

Këto janë pyetje shumë të thjeshta për shqiptarët, por shuuuumë të vështira për drejtësinë e Soros.

Ne kemi një përfundim: Të gjitha këto ndodhin SEPSE ATA I NDAJNË PARATË SË BASHKU.

Të dashur shqiptarë, ju si mendoni?/CNA.al

Lajmet e fundit nga