LEXO PA REKLAMA!

SHKARKO APP

E fundit!

x

Në udhëtim nga Tirana në Vlorë/ Gazetari rrëfen çfarë i ndodhi: Gruaja bërtiti, u tremba

7 Gusht 2022, 11:34, Aktualitet CNA
Në udhëtim nga Tirana në Vlorë/ Gazetari rrëfen
Gazetari Agim Xhafka

Gazetari Agim Xhafka, ka treguar një situatë të ndodhur mes tij dhe gruas, gjatë udhëtimit nga Tirana në Vlorë.

Pasi ka mbërritur në Vlorë, gruaja i ka treguar se ka harruar çelësat e shtëpisë.

"Sa kaluam TEG-un dhe me 110 km/orë ia shkela drejt Elbasanit gruaja bértiti:

-Qyqja!

U tremba, ula shpejtësinë dhe i habitur e pyeta:

-Ç’pate, moj?

-Asgjë, asgjë, ec!

Afër Rrogozhinës sérish:

-Qyqja!

-Po ç’ke, o gru?!

-Asgjë, asgjë.

Hyra né rrugën drejt Fierit. Sa arritëm te Mbrostari prapë ajo:

-Qyqja.

Nuk e pyeta më. Le të flasë vetë kur të dojë, thashë. Drejt Orikumit i gëzuar me muzikën e Dua Lipa. Me shpejtësi mora majtas te baypassi i Vlorës, kur gruaja ia shkrepi prapë:

-Qyqja!

Sa ktheva kokën më tha:

-Shih para dhe më dëgjo. Kam harruar në Tiranë çelsin e shtëpisë së Orikumit. Nuk kisha guxim të ta thoja në Tiranë. U kujtova që atje, por hë tani hë pastaj ta thashë në Vlorë. A mund të kthehemi këtu apo duhet të mbarojmë baypassin?

Frenova sikur më doli para një mace e zezë. Por u nisa shpejt se plot zhurma frenash dëgjova nga pas", rrefen gazetari./ CNA.al

Lajmet e fundit nga