E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

“90 fëmijë s’do të shkojnë në shkollë nesër”/ Bashkia Kamëz përgënjeshtron PL-në

11 Shtator 2022, 18:32, Aktualitet CNA

Kryetari i Bashkisë Kamëz, Rakip Suli

Bashkia Kamëz ka reaguar pak më parë për një denoncim të bërë sot nga Partia e Lirisë, për shkollën "Ibrahim Basha", në Bulçesh.

Me anë të një deklarate për mediat, Bashkia Kamëz përgënjeshtron lajmin se 90 fëmijë të shkollës “Ibrahim Basha” nuk do të kenë mundësi të ndjekim normalisht mësimin nesër.

Bashkia deklaron se nxënësit janë sistemuar që në muajin prill në shkollat “Halit Coka” dhe “Elez Isuf Ndreu” në Bathore.

Teksa kërkon të mos bëhet politikë me të ardhmen e fëmijëve, Bashkia Kamëz thekson se “gjatë procesit për riparimin e godinës kontraktori i punimeve është tërhequr nga kontrata për shkak të rritjes së çmimeve, si pasojë e ndikimit nga lufta në Ukrainë.

Aktualisht UNDP, po punon për zgjidhjen e problemeve kontraktuale dhe miratimin e një kontrate të re, për të filluar sa më shpejt punimet”.

“90 fëmijë s’do të shkojnë në shkollë

Reagimi i plotë i Bashkisë Kamëz:

E nderuar Znj. Xhixho,

Ju nuk jeni me qytetarët e Kamzës, por me anëtarët e lesh e lisë të sjellë me foristrada nga Tirana.

Bashkia Kamëz nuk bën politikë me jetën dhe sigurinë e femijëve.

Shkolla Ibrahim Basha është pjesë e programit “EU4Schools”, zbatuar nga “UNDP”,në kuadër të proçesit të rindërtimit.

Bashkia Kamëz që nga muaji Prill, ka marrë të gjitha masat për sistemimin e nxënësve dhe do të vazhdojë dhe për vitin e ri shkollor.

“90 fëmijë s’do të shkojnë në shkollë

Sistemimi i nxënësve është bërë në shkollat “Halit Coka” dhe “Elez Isuf Ndreu” në Bathore, vetëm disa minuta larg nga shkolla “Ibrahim Basha”.

Kushtet dhe ambjentet janë shumë herë më të mira se ajo shkollë, që rrezikon sigurinë dhe jetën e fëmijëve, por juve ju intereson vetëm të bëni politikë dhe nuk ju bëhet vonë për nxënësit.

Gjatë procesit për riparimin e godinës kontraktori i punimeve është tërhequr nga kontrata për shkak të rritjes së çmimeve, si pasojë e ndikimit nga lufta në Ukrainë.

Aktualisht UNDP, po punon për zgjidhjen e problemeve kontraktuale dhe miratimin e një kontrate të re, për të filluar sa më shpejt punimet.

“90 fëmijë s’do të shkojnë në shkollë

Për Bashkinë Kamëz siguria dhe jeta e fëmijëve prevalon ndaj çdo sakrifice.

Të ftoj në Kamëz znj. Xhixho dhe të shoqëroj unë personalisht, që të shihni nga afër revolucionin transformues të arsimit, në mbi 30 objekte arsimore me standartet më të mira bashkëkohore.

Çerdhe dhe kopshte me ushqim e të gjitha kushtet më të mira, që fitojnë çmime ndërkombëtare si kopshti “Lidhja e Prizrenit”, në Paskuqan dhe shkolla model siç u ka hije nxënësve të Kamzës.

Pas 30 vitesh Kamza e ka gjetur rrugën e zhvillimit, ndërsa ju e keni humbur rrugën me kohë dhe do endeni rrugëve gjatë.

Më poshtë disa foto ilustruese të gjithë revolucionit transformues në Kamëz, por juve ju janë errur sytë dhe nuk shikoni!/ B.A. - CNA.al

“90 fëmijë s’do të shkojnë në shkollë