web counter
LEXO PA REKLAMA!

SHKARKO APP

App Store
Google Play

E fundit!

x

8% e mjekëve veterinarë 3 vitet e fundit janë larguar në emigracion

26 Dhjetor 2023, 12:19, Aktualitet CNA
8% e mjekëve veterinarë 3 vitet e fundit janë larguar në
Foto ilustruese

Në tri vitet e fundit rreth 8% e mjekëve veterinarë kanë emigruar nga vendi me qëllim punësimin jashtë. Në total, në vend numërohen 1,220 mjekë veterinarë.

Presidenti i Urdhrit Profesional të Mjekëve Veterinarë, Ervin Resuli, në një takim me gazetarët pohoi se pjesa dërrmuese e veterinarëve emigrojnë drejt shteteve, si: Anglia, Gjermania dhe Zvicra, për shkak të lehtësisë në njohjen e diplomës.

Në 3 vitet e fundit, janë larguar për t’u punësuar jashtë në shërbimin veterinar, mesatarisht 25 deri 30 veterinarë në vit.

“Janë të shumta kërkesat për dhënien e referencave me qëllim punësimin e mjekëve veterinarë drejt vendeve të Bashkimit Evropian. Ndër shtetet ku mbetet kërkesa më e lartë për t’u punësuar janë Anglia, Gjermania dhe Zvicra pasi nuk është e nevojshme njehsimi i diplomës, duke iu njohur diploma shqiptare”.

Resuli rekomandoi me qëllim uljen e numrit të larguarve në emigracion institucionet shqiptare duhet të ndërhyjnë me masa stimuluese për rritjen e pagave dhe përmirësimit të kushteve në mbrojtje të kësaj kategorie gjatë ushtrimit të profesionit. Sipas tij paga e veterinarëve në institucionet shtetërore varion nga 60,000 lekë deri 78,000 lekë në muaj.

Pavarësisht rënies së numrit të krerëve të bagëtive, sipas Resulit nevojat e vendit për mjekë veterinarë nuk duhet të kalojnë numrin mbi 2,000. Pra rritja e kuotave për të diplomuarit në këtë profesion nuk shihet si një masë frenuese ndaj largimit të kësaj kategorie të profesionistëve.

Pranë Urdhrit Profesional të Mjekëve Veterinarë janë të regjistruar 800 veterinarë nga 1,220 që është numri total i tyre, duke përfshirë edhe të punësuarit pranë institucioneve shtetërore./Monitor





Lajmet e fundit nga