E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

7 vatra zjarri brenda 48 orëve në Malësi të Madhe/ Hasa: Ja situata sipas zonave

25 Korrik 2025, 15:14, Aktualitet CNA

7 vatra zjarri brenda 48 orëve në Malësi të Madhe/ Hasa: Ja

Malësia e Madhe në 48 orët e fundit është përfshirë nga 7 zjarre. Vatra e zjarrit më e rrezikshme ishte në fshatin Kamicë teksa u përfshinë nga flakët dhjetëra hektarë me bimë mjekësore dhe pemë frutore.

“Gjatë 48 orëve të fundit kemi pasur 7 vatra zjarri të shpërndara nga Sterbepi, Jubicë, Kamicë dhe deri në fshatin Flakë, pra komplet pjesa e bregut të liqenit në një sipërfaqe të madhe në qindra hektarë të gjitha me ferra, shkurre, por edhe bimë mjekësore dhe pemë frutore. Ishte një sipërfaqe e madhe ku u desh ndërhyrja e gjithë stafit zjarrfikës me 4 mjete dhe një ndërhyrje që zgjati mbi 4 orë dhe shkak ishte se terreni ishte i keq. Nuk kishim rrugë për të ndërhyrë, zonë me kanale, me gropa dhe prandaj e kemi pasur të vështirë ta menaxhojmë dhe gjatë gjithë kësaj gjatësie ku kanë rënë zjarret kishte shtëpi banimi sipër ku duhej ruajtja e shtëpive dhe falë ndërhyrjes sonë u bë e mundur që të mos dëmtohet asnjë shtëpi dhe kanë shpëtuar edhe bagëtitë, se i kishin të lëshuara nëpër ara dhe u menaxhua mirë”,-Besnik Hasa, Përgjegjës, Reparti Zjarrfikës Malësi e Madhe.

Gjatë operacioneve për shuarjen e flakëve të zjarrit në Malësi të Madhe, efektivët u kujdesën për ruajtjen e jetës së njerëzve, pronave dhe për bagëtitë. Një ndihmesë kanë dhënë edhe Administrata e Zonave të Mbrojtura, vullnetarë dhe punonjës të bashkisë.

“Kishim mbështetjen e ADZM dhe kishim me vetë punonjës të Bashkisë Malësi e Madhe, vullnetarë nga fshatrat. Zjarret janë nga pakujdesia më shumë. Futen për të pastruar një arë të vogël, por në temparaturën 40 gradë dhe me erën që fryn mbi 50 km/h është e pamundur që ata të kontrollojnë zjarret që ndezin. Fshatarët dalin me disa motorrina të veta dhe mendojnë se mund ta kontrollojnë dhe u ka ikur situata. Nuk mund ta menaxhojmë ne, jo më ata. Mbrëmë në orët e vona të natës u bë i mundur izolimi plotësisht i zjarreve dhe nuk ka më vatra zjarri në Malësinë e Madhe. Kemi pasur edhe disa vatra të tjera në Gruemirë, në Kerraj, në fund të Brisë, rrëzë malit atje ku rrezikonin banesat dhe i kemi ndjekur këto zjarre kudo me automjetet tona dhe nuk i kemi lënë që zjarret t’u afrohen banesave duke bërë të mundur shuarjen e flakëve plotësisht”,-tha Hasa.

Për shkak të pakujdesive nga qytetarët që ndezin zjarre për djegien e ferrave dhe më pas përhapen duke shkaktuar dëme të konsiderueshme, zjarrfikëset bëjnë thirrje për më shumë kujdes. Në Qarkun Shkodër nuk ka asnjë vatër zjarri aktive dhe deri më tani zjarre ka pasur vetëm në Malësinë e Madhe kryesisht./CNA