web counter
LEXO PA REKLAMA!

SHKARKO APP

App Store
Google Play

E fundit!

x

26 viktima/ Sot shënohen 16 vite nga shpërthimi në Gërdec

15 Mars 2024, 07:55, Aktualitet CNA
26 viktima/ Sot shënohen 16 vite nga shpërthimi në
Foto ilustruese

Sot shënohen 16 vite nga shpërthimi në Gërdec, ku humbën jetën 26 persona dhe mbi qindra të tjerë mbetën të plagosur në fabrikën e demontimit të armëve. 

Tri ditë pas tragjedisë, më 18 mars 2008, nga qeveria u shpall ditë zie kombëtare dhe protesta të shumta qytetare vijuan.

Tragjedia u shoqërua edhe me ngjarje të tjera politike. Ministri i Mbrojtjes, Fatmir Mediu, do të jepte dorëheqjen pak ditë pas tragjedisë. Ai nuk pranoi se kishte përgjegjësi për shpërthimin ose ndonjë lidhje korruptive në tregtinë e armëve dhe u shpreh se dorëheqja nga posti ministror ishte një “përgjegjësi morale.”

Dosja e hetimeve për shpërthimin që ndodhi në Gërdec në 2008 tashmë është në duart e SPAK-ut. Dhjetëra zyrtarë e ish-zyrtarë janë marrë nën pyetje nga Prokuroria e Posaçme. 

GJKKO po heton çështjen për akuza të rënda “korrupsion i zyrtarëve të lartë” dhe “pastrim parash”.

Nën hetim për këtë dosje është edhe ish-ministri i Mbrojtjes, Fatmir Mediu, i cili ka dëshmuar disa herë në SPAK, ku ka deklaruar se është i pafajshëm.

Theksojmë se 28 të pandehurit e dërguar në gjykatë sot janë liruar nga burgu dhe ende nuk është vënë drejtësi./CNA 

 





Lajmet e fundit nga