E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

Akuzat për tenderin/ Kreu i Bashkisë së Tropojës, nën hetim nga SPAK-u

14 Mars 2024, 11:42, Aktualitet CNA

Akuzat për tenderin/ Kreu i Bashkisë së Tropojës, nën

Rexhë Byberi

Prej disa javësh, CNA ka nisur një investigim për kreun e Bashkisë së Tropojës, Rexhë Byberin, i cili jo pak herë është denoncuar për favorizime me tenderët.

Investigimin e nisëm pas një denoncimi të mbërritur në redaksinë e CNA, ku një qytetar i Tropojës akuzonte kreun e bashkisë, Rexhë Byberi, se me urdhër të tij është kryer një pagesë për një tender për ndërtimin e urave në zonë për punime që nuk janë kryer.

Nga verifikimet që ne bëmë, bëhet fjalë për tenderin e fituar nga kompania "Rroku GUEST SHPK", me objekt "Ndërtim e rikonstruksion urash, Bashkia Tropojë" me vlerë 191, 832, 38 lekë me TVSH. Sipas kontratës kjo kompani do duhet të përfundonte projektin 6 muaj nga data e dorëzimit të tij.

Rexhë Byberi akuzohet se për një periudhë rekord 25-ditore kompania fituese paska realizuar 75% të kontratës dhe për këtë Rexhë Byberi nuk hezitoi që ta paguante.

CNA konktoi disa herë me zyrtarë të Bashkisë së Tropojës, të cilëve u kërkuam një informacion zyrtar në lidhje me këtë tender. Prej disa javësh nuk kemi marrë një përgjigje zyrtare, edhe pse nga punonjësit na është komunikuar se përgjigjen do ta merrnim me e-mail.

Ndërkohë, CNA ka mësuar se SPAK ka nisur hetime për këtë tender dhe ka kërkuar informacion zyrtar apo dokumente zyrtare nga Bashkia e Tropojës.

CNA ka tentuar sërish të komunikojë me zyrtarët e bashkisë, por ata nuk na përgjigjen në telefon.

Akuzat për tenderin:

Në datën 29 dhjetor të 2023 vetëm 25 ditë nga firmosja e kontratës, e cila është nënshkruar në 12 dhjetor të 2023, kompania fituese dërgoi faturën për likuidim të 75% të punimeve të kryera dhe fondet u kaluan në daten 29 janar 2024 sipas të dhënave nga dega e thesarit.

Sipas denoncuesit, operatori ekonomik "Rroku Guest shpk" e kishte të pamundur që të kryente punimet në këto ura gjatë kësaj periudhe pasi ka edhe kontrata të tjera për projekte në të cilat kanë vendosur makineri dhe pajisje.

Ai thekson se kjo kompani nuk i ka kapacitetet në punëtorë dhe makineri për të ndjekur disa projekte njëkohësisht.

"Në të njëjtën kohë kur operatorit "Rroku GUEST shpk" iu likuidua vlera prej 75% e kontratës me faturën nr.39 datë 29.12.2023 nga Bashkia Tropojë, vetëm disa ditë nga lidhja e kontratës për ndërtim ure me Bashkinë Tropojë, ky operator kishte dhe katër kontrata të lidhura me institucione të tjera në proces zbatim dhe me afat më të shkurtër se në Bashkinë Tropojë. Pyetja është si arriti ky operator të realizonte punimet në Bashkinë Tropojë, për 25 ditë ndërtoi 18 ura, ndërkohë kur ishte me punëtorë dhe makineri të shpërndara në disa institucione?", shprehet denoncuesi./CNA