web counter
LEXO PA REKLAMA!

SHKARKO APP

App Store
Google Play

17-vjeçari humbi jetën në aksident/ Flet gjyshi i të miturit: Punonte kamerier, po kthehej nga puna kur e përplasën

28 Tetor 2025, 09:39, Kronika CNA

17-vjeçari humbi jetën në aksident/ Flet gjyshi i të

Gjyshi i 17-vjeçarit që humbi jetën në orët e para të mëngjesit të sotëm në Vlorë, ka folur për mediat lidhur me ngjarjen e rëndë.

Ai është shprehur se pas aksidentit djali është dërguar në morgun e spitalit të Vlorës, ndërsa prej 8 orësh nuk është paraqitur asnjë mjek ligjor dhe prokuror për të kryer procedurat, në mënyrë që familjarët të marrin trupin. 

Gjyshi ka treguar se djali punonte kamerier dhe po kthehej nga puna kur ka ndodhur aksidenti fatal.

“Mbrëmë në 12:00 të natës është aksidentuar nipi, djali i çupës. Dhe e kanë sjellë në morgun e spitalit të Vlorës. Kemi 8 orë që presim, nuk vjen mjeku ligjor të na ndihmojë të bëjë veprimet. Rrinë 30 policë këtu dhe nuk marrin masat për të sjellë mjekun ligjor dhe prokurorin që te bëjë veprimet që të marrim kufomën. Një makinë na e ka vrarë djalin dhe ka ikur me shpejtësi 200 km në orë në qytetin e Vlorës dhe asnjë patrullë policie nuk i ka dalë para. Unë nuk e kam parë me sy nipin. Ai nuk është kriminel. Po vinte nga puna, punonte kamerier”, u shpreh gjyshi. /CNA





Lajmet e fundit nga