web counter
LEXO PA REKLAMA!

SHKARKO APP

App Store
Google Play

E fundit!

x

111-vjetori i Pavarësisë/ Sot, Shqipëria feston Ditën e Flamurit

28 Nëntor 2023, 07:55, Aktualitet CNA
111-vjetori i Pavarësisë/ Sot, Shqipëria feston Ditën e
Shpallja e Pavarësisë

Sot, Shqipëria feston 111-vjetorin e Pavarësisë. Më 28 nëntor 1912, Ismail Qemali ngriti flamurin në Vlorë duke e shpallur Shqipërinë shtet të pavarur.

Si sot, më 28 nëntor të vitit 1912, në Vlorë, u ngrit flamuri dhe u hap Kuvendi historik Kombëtar me 40 delegatë, por u deshën vite të tjera dhe përfaqësi në Kongrese e në kancelaritë e vendeve perëndimore, që Shqipëria të njihej si e tillë nga fuqitë e shtetet e kohës.

Më 28 nëntor shqiptarët kujtojnë ngjarjen e 1912-ës që ndodhi në Vlorë, ku u ngrit flamuri kombëtar, simbol i lirisë, i pavarësisë, i ëndrrave për një ardhmëri më të mirë të kombit shqiptar në gjirin e kombeve të përparuara të botës.

Këtë ditë, Ismail Qemali u shpall kryetar i Kuvendit dhe kryetar i parë i qeverisë së shtetit shqiptar.

Me aktin e shpalljes së pavarësisë së Shqipërisë, kryetari i Qeverisë së Përkohshme, Ismail Qemali, njoftoi gjashtë Fuqitë e Mëdha, Anglinë, Italinë, Austro-Hungarinë, Francën, Gjermaninë dhe Rusinë.

Po ashtu, u njoftuan edhe shtetet ballkanike, Rumania, Mali i Zi, Serbia, Bullgaria, Greqia e Turqia, duke u kërkuar njohjen e pavarësisë, si rrjedhojë e natyrshme e vullnetit të popullit shqiptar.

Këtë 28 Nëntor, për herë të parë në vendin tonë do të organizohet Parada e shqiptarëve.

Parada do të nisë në orën 11:00 dhe do të mbledhë mbi 150 ansamble popullore.

Parada do të fillojë nga sheshi "Nënë Tereza" për të vijuar te sheshi “Skënderbej” ku dhe do të zhvillohet ceremonia e ngritjes së flamurit.

Nga ana tjetër, krerët e shtetit do të jenë në Vlorë, në qytetin ku Ismail Qemali ngriti flamurin dhe shpalli pavarësinë e Shqipërisë./ CNA





Lajmet e fundit nga