web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja Balla-Alibeaj/ Drejt dështimit edhe raundi i dytë për zgjedhjen e Presidentit

22 Maj 2022, 13:43, Politikë CNA

Edhe raundi i dytë për zgjedhjen e presidentit pritet të shkojë drejt dështimit.

Në orën 16:00 është afati i fundit i dorëzimit të kandidaturave, ndërsa deri tani as socialistët dhe as opozita nuk ka depozituar asnjë emër në sekretariatin e Kuvendit.

Konferenca e Kryetarëve e mbledhur të martën e kaluar vendosi që kandidatët me 20 firma deputetësh të depozitoheshin në Kryesinë e Kuvendit dhe më tej nesër do të mblidhet Komisioni i Ligjeve fillimisht që të shqyrtojë emrat dhe pasdite kuvendi për votim.

Negociatat për zgjedhjen e presidentit të ri të vendit mes mazhorancës dhe opozitës janë ndërprerë, pasi kryetari i grupit parlamentar të PD-së Enkelejd Alibeaj tha se PS ka prishur marrëveshjen e arritur me konsensus. I njëjti pretendim vjen dhe nga ana e PS.

Nga Fieri ku pa nga afër procesin për zgjedhjen e drejtuesve të rinj të PS, kreu i Grupit Parlamentar të PS Taulant Balla u shpreh se nuk e kupton pse PD u tërhoq nga marrëveshja e arritur në konferencën e kryetarëve ndërsa shtoi se orët në vijim duhen përdorur me përgjegjësi në mënyrë që të mos digjet pa kandidatë edhe raundi i dytë.

Kurse PD thotë se PS u tërhoq nga dokumenti i opozitës, me të cilin sipas tyre vetë Balla ra dakord para syve të kamerave dhe shqiptarëve. Sipas PD, PS u tërhoq nga pakti pasi pa emrat e kandidatëve për President, të cilët nuk mund ti ?joshte?.

Ndërkaq Kuvendi nesër do të zhvillojë seancën plenare për zhvillimin e votimit të dytë për zgjedhjen e Presidentit të ri. Nëse opozita vijon të mos sjellë kandidatë zyrtarisht për zgjedhjen e Presidentit atëherë maxhoranca në votimin e katërt do t?i japë vendit kreun e ri të shtetit./CNA.al





Lajmet e fundit nga