web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj i përgjigjet Ballës/ Ke shkelur marrëveshjen

22 Maj 2022, 11:44, Politikë CNA

Kreu i Grupit Parlamentar të PS-së, Taulant Balla, i drejtoi sërish sot mesazh Enkelejd Alibeajt, pas marrëveshjes së fundit, që i dha të drejtë të propozojë kandidatë në raundin e dytë dhe të tretë.

Në një prononcim për mediat nga Fieri, Balla tha se orët në vijim në mbyllje të afatit duhet të përdoren me përgjegjësi.

Ndërkohë, pas deklaratës së Ballës, Alibeaj i është përgjigjur nëpërmjet deputetit Arbi Agalliu.

Ky i fundit në një postim në rrjetet sociale, akuzon Ballën se ka prishur marrëveshjen.

?Pacta sunt servanda?. Është ky minimumi i seriozitetit që procesi i zgjedhjes së Presidentit meriton të ketë. Taulant Balla u tërhoq nga dokumenti i PD, me të cilin ai vetë ra dakord para syve të kamerave dhe shqiptarëve. Mesa duket, pasi mësuan kandidatët e propozuar nga deputetët e PD, njerëz seriozë e me integritet, që nderojnë Shqipërinë, u tërhoq pa shpjegim dhe bën sikur nuk kupton.

PD është për një President për të gjithë shqiptarët dhe që nderon Shqipërinë. PS kërkon President vetëm për socialistët për ta patur në xhep Rama. Këtë të dytën mund ta bëjë, me mandatet e vjedhura dhe deputetët non grata, por jo me PD?, shkruan Agalliu./CNA.al

Zgjedhja e Presidentit/ Balla i ?shkel syrin? Alibeajt





Lajmet e fundit nga