web counter
LEXO PA REKLAMA!

SHKARKO APP

App Store
Google Play

Pazaret për Presidentin/ Ish-sekretari i Bashës, "asi nën mëngë" i Ramës

22 Maj 2022, 09:12, Politikë CNA

Pasditen e së hënës Kuvendi do të mblidhet në seancë plenare në raundin e dytë për zgjedhjen e Presidentit të ri.

CNA.al, ka raportur se Partia Socialiste dhe kryeministri Edi Rama, e kanë një kandidat për President, të mbajtur si ?as nën mëngë? , që mund ta përdorin në dy raundet e fundit dhe që nuk është pjesë e grupeve parlamentare.

Burime pranë kryeministrit kanë konfirmuar për CNA.al se ai është Ferit Hoxha, ambasador në OKB.

Një kandidat ky që ?risjell? në skenë edhe Lulzim Bashën, aleatin e Ramës, me të cilin nënshkroi marrëveshjen e 17 majit 2017.

Kujtojmë se Ferit Hoxha ka qenë Sekretar i Përgjithshëm në Ministrinë e Jashtme në kohën që drejtohej nga Lulzim Basha.

I njëjti ka pasur edhe rolin e kryenegociatorit në marrëveshjen për kufijtë detar mes Shqipërisë dhe Greqisë.

Kujtojmë se marrëveshja mes Greqisë dhe Shqipërisë për kufijtë detar mes dy vendeve u nënshkrua në 2009-ën në Tiranë nga dy ministrat e Jashtëm të asokohe, Dora Bakojanis nga pala greke dhe Lulzim Basha ish-Ministër i Jashtëm.

Ajo u rrëzua në vitin 2010 nga Gjykata Kushtetuese.

Sipas vendimit të gjykatës, marrëveshja cenonte integritetin territorial të Shqipërisë.

Përtej kësaj , ish-kryenegociatori, Ferit Hoxha, sot ka përfunduar në tavolinën e Ramës, si kandidat për President me një CV,  ku bie në sy dhe marrëveshja për kufirin detar Shqipëri-Greqi, që është kontestuar dhe për më tepër ka përfunduar edhe në prokurori./CNA.al

Presidenti i ri/ Zbulohet ?asi nën mëngë? i Ramës





Lajmet e fundit nga