web counter
LEXO PA REKLAMA!

SHKARKO APP

App Store
Google Play

E fundit!

x

“Situata në PD, si në 13 qershor”/ Kulluri: Uroj të mos mbushen kutitë

22 Maj 2022, 10:30, Politikë CNA

Ish-anëtari i Këshillit Kombëtar të PD, Edvin Kulluri, ka komentuar zgjedhjet për kryetar të PD-së, të cilat po mbahen sot në 108 qendra votimi.

Në një postim në rrjetet sociale, Kulluri shkruan se sot ka votuar në një ndër qendrat e votimit në Tiranë, ku sipas tij kishte pjesëmarrje të ulët.

Më tej, ai thekson se vihet re e njëjta situatë me një vit më parë, ndërsa shton se ?uroj të mos mbushen kutitë?, si në 13 qershor 2021.

?Të dashur miq!

Ashtu siç pritej dhe e kam konstatuar prej muajsh, situata në Partinë Demokratike mbetet po aq e rëndë sa përpara 9 shtatorit 2021!

Sot në oren 11: 15 shkova të votoj për kandidatët për kryetar të PDSH pranë qendrës së votimit në degen nr. 2, Tiranë. Me keqardhje konstatova se krejt ndryshe nga Referendumi i 18 Dhjetorit, pjesëmarrja në votime ishte shumë e ulët. Në 18 Dhjetor ashtu siç edhe mediat disponojnë pamjet filmike, radha e votuesve në pritje për të votuar ishte e gjatë.

Sot, ishte e njëjta situatë si në 13 qershor kur Basha kërkoi të zgjidhej pas 4 zgjedhjesh të humbura! Sërish pas 1 viti, atmosfera është dramatike. Mungesë totale optimizmi, indiferencë dhe zhgënjim!

Për arsye që i kam thënë e stërthënë me vite e muaj të tërë, PD nuk po del dot nga kriza e thellë politike që e ka pushtuar të paktën që nga viti 2017! Leximi i keq qëllimisht apo jo qëllimisht që ju bë Kuvendit të 11 Dhjetorit dhe Referendumit të 18 Dhjetorit nga zoti Berisha dhe Komisioni i Rithemelimit na çoi në rezultatin e 6 marsit dhe zgjedhjet e sotme!

Uroj që Komisioni Elektoral mos të bëjë të njëjtën gjë si në 13 qershor, ku u mbushën kutitë e votimit duke manipuluar hapur zgjedhjet për kryetar të PDSH!?-shkruan Kulluri./CNA.al





Lajmet e fundit nga