web counter
LEXO PA REKLAMA!

SHKARKO APP

App Store
Google Play

E fundit!

x

Rrjedhje informacioni në operacionin e SPAK?/ Vihet në lëvizje Agjencia e Mbikëqyrjes Policore

20 Maj 2022, 17:54, Kronika CNA

Agjencia e Mbikëqyrjes Policore ka reaguar pas lajmeve se ka pasur rrjedhje informacioni gjatë operacionit?Plumbi i artë?, që u bë me urdhër të SPAK.

AMP deklaron se po verifikon dhe do të hetojë me seriozitetin maksimal çdo dyshim për rrjedhje të mundshme të informacionit nga punonjës të policisë, si edhe çdo përfshirje nëse ka, në aktivitete të paligjshme.

?Agjencia e Mbikëqyrjes Policore (AMP) po verifikon çdo dyshim nëse ka patur rrjedhje informacioni, gjatë operacionit të zhvilluar nga Prokuroria e Posaçme Kundër Korrupsionit dhe Krimit të Organizuar dhe Policia e Shtetit, në kuadër të procedimit penal nr.75/2022, përmes të cilit u caktuan dhe ekzekutuan masat e sigurimit personal të karakterit shtrëngues ?Arrest në burg? për 32 shtetas, mes tyre edhe një punonjës policie.

Në përfundim të këtij operacioni, Agjencia e Mbikëqyrjes Policore siguron opinionin publik dhe mediat se do të hetojë me seriozitetin maksimal çdo dyshim për rrjedhje të mundshme të informacionit nga punonjës të policisë, si edhe çdo përfshirje nëse ka, në aktivitete të paligjshme.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 9090?, thuhet në njoftim.

Kujtojmë se me dëshmitë e Nuredin Dumanit e Henrik Hoxhajt dhe provat e mbledhura, SPAK, BKH dhe Policia e Shtetit zbardhën ngjarje të rënda kriminale të 10 viteve të fundit.

Nga 32 urdhër arreste me vendim të Gjykatës Speciale u ekzekutuan 18. Ndërsa i shpëtuan operacionit 14 nga personat më të kërkuar, si Talo Çela, Ervis Martinaj dhe Suel Çela. Kreu i SPAK, Arben Kraja, tha gjatë një deklarate ditën e djeshme se aksionet nuk janë dekonspiruar dhe se po vijon puna për të kapur të gjithë të kërkuarit, cilëtdo qofshin ata./ CNA.al





Lajmet e fundit nga