LEXO PA REKLAMA!

SHKARKO APP

Berisha i bashkohet protestës/ “Të rinjtë hyjnë me jetë në komisariate e dalin me arkivol”

7 Maj 2022, 18:27, Politikë CNA

Ish-kryeministri Sali Berisha i shoqëruar nga deputetë dhe anëtarë të Këshillit Kombëtar u janë bashkuar qytetarëve në protestën homazh para Kryeministrisë, në shenjë nderimi për vetëvrasjen e Ilvi Metës në komisariatin e Kavajës.

Në fjalën e tij, Berisha tha se çdo person që shoqërohet në komisariate ka të garantuar lirinë dhe të drejtat e tij, ndërsa shton se askush nuk ka marrë përgjegjësi për ngjarjen e rëndë.

?Kjo është një protestë e heshtur ndaj vdekjes së të rinjve në komisariatet e policisë. Çdo person që shoqërohet në komisariate ka të garantuar lirinë dhe të drejtat e tij. Kjo ndodh në çdo vend të botës, kurse në Shqipëri është një seri tragjike. Të rinjtë hyjnë në komisariate me shëndet të plotë dhe dalin që aty me arkivol. Rasti më i fundit është ai i Ilvi Metës në Kavajë. Ai u mor në komisariat dhe u shoqërua e u akuzua për vjedhje, por u nxor me arkivol. Asnjë nga përgjegjësit nuk ka shqiptuar një fjalë të vetme për dramën e këtij të riu që nuk e meritonte ta humbiste jetën në institucionet shtetërore?, tha Berisha./CNA.al

Lajmet e fundit nga