E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Presioni ndaj drejtësisë/ Këlliçi: Shantazhi është vepër penale, Ramës i ka ardhur fundi

7 Maj 2022, 12:50, Politikë CNA

Deputeti Belind Këlliçi ka reaguar pas sulmeve të sotme të kryeministrit Edi Rama ndaj SPAK-ut.

Në një deklaratë për mediat, Këlliçi tha se shantazhi ndaj drejtësisë është vepër penale.

?Kush e ka dëgjuar sot Edi Ramën e kupton hallin e tij dhe të grupit të tij të strukturuar kriminal që e drejton prej 9 vitesh. Klithmat e Edi Ramës, ‘më shpëtoni nga Sali Berisha’ tregojnë frikën që e ka kapur.

Presioni konstant ndaj institucioneve të drejtësisë konsiderohet vepër penale dhe shantazh ndaj drejtësisë.

Shqiptarët e dinë shumë mirë që Lefter Koka dhe Alqi Bllako janë vetëm maja e ajsbergut të aferës së inceneratorëve.

Radha e zyrtarëve të përfshirë është shumë e gjatë, duke filluar nga Damian Gjiknuri, Armando Subashi, Arben Ahmetaj, Erion Veliaj dhe Edi Rama.

Sulmi ndaj SPAK-ut, tregoi se koha e Edi Ramës ka mbaruar.?-tha Këlliçi.

Deklarata e plotë e Belind Këlliçit

Kush ka dëgjuar sot Edi Ramën të sulmojë Prokurorinë e Posaçme Antikorrupsion, kupton shumë qartë hallin e tij dhe të grupit të struktuar kriminal të qeverisë më të korruptuar në Europë, të cilin e drejton prej 9 vitesh.

Klithmat e Edi Ramës ?më shpëtoni nga Sali Berisha?, tregojnë as më pak e as më shumë panikun që e ka kapur si dhe gjendjen e tij të pa shpresë.

Sulmi i përsëritur dhe akoma më i ashpër sesa në Kongres i Edi Ramës kundër SPAK-ut ka të bëjë vetëm me Edi Ramën dhe të korruptuarit që e rrethojnë atë, kjo edhe në bazë të informacioneve të besueshme në lidhje me disa hetime ndërkombetare rreth personit të tij.

Sulmi i tij është mesazh i koduar ndaj SPAK që prokuroria speciale të tërhiqet nga çështje që prekin drejtpërdrejt Edi Ramën dhe njerëz shumë të afërt të tij.

Presioni konstant ndaj institucioneve të drejtësisë, kudo në botë konsiderohet vepër e rëndë penale dhe shantazh.

Shqiptarët e dinë shumë mirë se Lefter Koka dhe Alqi Bllako janë vetëm maja e ajsbergut të aferës së inceneratorëve. Edi Rama e di mirë se në këtë megaaferë, rradha e zyrtarëve të përfshirë është shumë e gjatë, duke vazhduar kryesisht me: Arben Ahmetaj, Damian Gjiknuri, Armando Subashi, Engjëll Agaçi, Erion Veliaj dhe deri tek vetë Edi Rama.

Kryeministri i qeverisë më të korruptuar në Europë, e di shumë mirë se koncesionet në shëndetësi janë afera skandaloze që kanë përkeqësuar sistemin shëndetësor shqiptar, që pandemia u keqmenaxhua, fondet e shëndetësisë u abuzuan me tendera sekretë e prokurime abuzive. Të gjithë shqiptarët e dinë se pas këtyre aferave qëndron Ilir Beqja, Ogerta Manastirliu dhe Edi Rama.

Çdo aferë të çon tek Edi Rama, prandaj sulmi i tij i sotëm ndaj SPAK është treguesi më i mirë se kohës së Edi Ramës i ka ardhur fundi.

Ai Kryeminister që kyç gojën kur trafikantët ndërkombëtarë të drogës, përmendin si favorizues te trafikut një ministër të Brendshem dhe te Drejtesise te kabinetit të tij, dhe sulmon SPAK-un, kur të gjithë presin arrestime brenda kabinetit të tij, do të thotë se Edi Rama nuk ka hallin e drejtësisë.

Ai ka vetëm hallin e tij dhe të karriges që e mban peng përmes korrupsionit dhe aleancës me krimin e organizuar.

I vetmi turp i SPAK-ut do të ishte, nëse i nënshtrohet dhunës së kryeministrit!

Turp dhe shkelje e ligjit do të jetë, kur anëtarët e kësaj qeverie, bashkë me Edi Ramën, të mos ndëshkohen për korrupsionin e tyre të frikshëm dhe demin kolosal qe i kane shkaktuar Shqiperise dhe te ardhmes se vendit tone./ CNA.al